“ƏDV geri al” kampaniyasında hansı yeniliklər gözlənilir? - Açıqlama
12:03 / 21.09.2021
1327
"ƏDV geri al”
kampaniyasından nəğd ödənişləri çıxarıb, nəğdsiz ödənişlərə 25 faizlik qayıdışı
tətbiq etməklə vətəndaşların kartdan daha çox istifadəsinə nail ola bilərik”.
Bu sözləri
Sfera.az-a açıqlamasında "ƏDV geri al” kampaniyasının daha geniş tətbiqi prosesində
hansı dəyişikliklərə ehtiyac olduğundan danışarkən, iqtisadçı ekspert Natiq Cəfərli
deyib:
"Əslində "ƏDV geri al”
kampaniyası kifayət qədər populyarlıq qazanıb. Əhali tərəfindən istifadə
getdikcə artıq. Proses xüsusən Bakıda geniş yayılıb. Amma burada bir önəmli məsələ
var. Nəğd ödənişlərin azalmasına nail olmaq üçün "ƏDV Geri Al” kampaniyasını
daha çox nəğdsiz ödənişlərə aid etməliyik.
Nəğdsiz dövriyyə iqtisadiyyatın
ağarmasında, dövriyyənin dəqiqliyində mühüm rol oynayır. İndilikdə ölkədə nəğdsiz
ödənişlərdə ƏDV-nin 15, nəğd ödənişin 10 faizi geri qayıdır. Ona görə də nəğdsiz
ödənişlərə 25 faizlik geri qayıdışı tətbiq etməklə tədricən nəğd ödənişlərdən
imtina etməliyik. Bu daha doğru olardı. Gələn ildən başlayaraq "ƏDV Geri Al”
kampaniyasında nəğd ödənişləri çıxarıb, nəğdsiz ödənişlərə isə 25 faizlik tətbiq
etməklə vətəndaşların kartdan daha çox istifadə etmələrinə nail ola bilərik”.
Elçin