Monqolustanda "Dünyanın ən gözəl üzü” yarışması keçirilib.

Sfera.az Sputnik-ə istinadən xəbər verir ki, builki yarışmanın qalibi 22 yaşlı rus jurnalist Alyona Raeva olub.

60 ölkədən iştirakçının qatıldığı müsabiqədə müxtəlif idman müsabiqələri və milli kostyumların nümayişi də baş tutub.

Alyona bildirib ki, qalib gəlməsi ona sürpriz olub:

"Yarışmanı qazanmaq hədəfim yox idi. Yeni insanları tanımaq, özümü rahat etmək üçün yeni mühitdə olmaq istəmişdim. Müxtəlif şoular, müsabiqələr və digər ölkələrdən gələn insanlarla münasibət qurmaq məni xoşbəxt etdi”.

A.Raeva qalib gəldikdən sonra bir çox reklam şirkəti və televizyalardan təklif aldığını da söyləyib.