Dünyada ilk dəfə “hamilə” mumiya tapıldı - FOTO
11:41 / 30.04.2021
2695
Polşalı alimlər paytaxt Varşavadakı Milli Muzeydə saxlanılan 2 min illik qalıqları araşdırarkən dünyada ilk dəfə hamilə bir misirli qadının mumiyasını kəşf ediblər.
Sfera.az xəbər verir ki, əvvəlki tədqiqatlarda sözügedən mumiyanın eramızdan əvvəl I əsrdə yaşamış bir kişi keşişə məxsus olduğu ehtimal olunurdu.
Varşava Universitetinin antropoloqu və arxeoloqu Marzena Ozarek-Szilke Misirdən olan arxeoloq həyat yoldaşı ilə birlikdə rentgen görüntülərini incələdikdən sonra qadın mumiyasının qarnında kiçik bir ayaq gördüklərini bildiriblər.
Arxeoloq Szilke qadının 20 və ya 30 yaşında, körpənin isə təxminən 20-30 həftəlik olduğunu aşkar etdiklərini qeyd edib. O, körpənin ana bətnindən çıxarılmamasının səbəbini hamiləliyi kamuflyaj etmək və ya sonrakı həyatda yenidən doğuşa inancla əlaqələndirib.
Polşa Elmlər Akademiyasından Vojcieç Ejsmond isə mumyalama prosesi zamanı qadının qarnından dölün nə üçün çıxarılmadığını bilmədiklərini söyləyib:
"Bu səbəbdən tapılan mumiya həqiqətən bənzərsizdir. Əvəllər belə hallar görməmişdik. Bu o deməkdir ki, tapdığımız mumiya qarnında körpəsi olan yeganə mumiyadır".
Qeyd edək ki, sözügedən mumiya 19-cu əsrdə Misirdən Polşaya gətirilib və 1917-ci ildən bəri Polşa Milli Muzeyində nümayiş olunur.
İnci
Sfera.az