Dünyada elektron ticarət dövriyyəsi 5 trilyon dollara çatıb
12:41 / 14.06.2021
1683
2019-cu ildə həcmi 3,4 trilyon dollar olan qlobal elektron ticarət bazarı 2020-ci ildə 26 faiz genişlənərək 4,3 trilyon dolara çatıb.
Proqnozlara görə bu il bazarda böyümə davam edəcək və ilin yekununda 14 faiz artaraq 4,9 trilyon dollara yüksələcək.
Sfera.az "Bloomberg” saytına istinadən xəbər verir ki, qlobal elektron ticarət bazarının həcminin sürətlə böyüməsinə pandemiyanın da təsiri var. Pandemiya böyümə sürətini 45 faizdən çox artırıb.
Statistik müşahidələrə əsasən, dünyada internet istifadə edən hər 5 nəfərdən 4-ü pandemiya ilə əlaqədar elektron ticarət xidmətlərindən yararlanıb.
Elektron ticarətdə ən çox müraciət edilən məhsul qrupu geyim olub. E-ticarətdən faydalananların 85 faizi geyim sifarişi verib.
İstehlakçıların elektron ticarət formasına maraq göstərməsinin əsas səbəbi internet üzərindən satışa çıxarılan məhsulların daha ucuz olmasıdır.
Vasif
Sfera.az