Gündə ən azı 2 litr içirlər: Meksikada rəsmi olaraq su əvəzinə “Cola” istehlak edilməsinin səbəbi nədir?
Çiapas bölgəsindəki San Cristobal de las Casas şəhəri dünyada adambaşına “Cola” istehlakının ən çox olduğu yerlərdən biridir. Rayon əhalisi ildə 800 litrdən çox “Cola” içir. Üstəlik, demək olar ki, təmiz içməli su olmadığı halda... “Cola” içmək bir mədəniyyətə çevrilib. Lakin bunun bədəlini sağlamlığı ilə ödəyən yerli əhali üçün bu vərdiş günü-gündən daha təhlükəli hal alır.
Sfera.az bildirir ki, San Cristobal de las Casasda təmiz suya çıxış xüsusilə aztəminatlı ailələr üçün çox çətindir. Burada kran suyu da var, lakin güclü xlor dadına görə onu içmək demək olar ki, mümkün deyil.
Başqa bir variant, tanker suyu həm etibarsız, həm də baha başa gəlir. Belə olan halda rayondakı supermarketlərdə su ilə eyni qiymətə satılan “Cola” daha cəlbedici varianta çevrilməsi təəccüblü deyil.
Bir çox supermarketdə “Cola” sudan iki dəfə çox rəflərə malikdir və demək olar ki, hər yerdə asanlıqla tapılır.
Çiapas bölgəsindəki yerli insanlar üçün “Cola” zamanla mədəni simvola çevrilib. Yerli rituallarda və şaman təcrübələrində “Cola” hətta, bəzi xəstəlikləri “müalicə etmək” üçün nəzərdə tutulan içki kimi istifadə edilir.
Amma əslində bu qədər “Cola” istehlakı xalqın sağlamlığına ciddi təsir göstərir. Bölgədə şəkər istehlakı ilə bağlı bir çox xəstəlik, xüsusilə 2-ci tip şəkərli diabet tez-tez rast gəlinir və son 10 ildə diabetlə bağlı ölüm halları 60%-dən çox artıb.
San Cristobaldakı “Coca-Colazavodu yerli su təchizatından gündə milyonlarla litr su vurur. Şəhərdə təmiz içməli su olmadığı halda fabrik insanların gündəlik su ehtiyacından çoxunu qrunt sularından alaraq “Cola” istehsalında istifadə edir.
2020-ci ildə yerli əhali fabrikə etiraz edərək suyun onlar üçün istifadə olunmasını tələb etsə də, nəticəsi olmayıb.
“Coca-Cola”nın Meksikada güclü reklam kampaniyaları və keçmiş prezident Visente Foks kimi yüksək səviyyəli siyasi xadimlərlə yaxın əlaqələri “Cola”nın ölkədə yayılmasında böyük rol oynayıb.
“Coca-Cola” bu bölgədə təkcə içki deyil, həm də mədəni sərvət hesab olunur.
Brend yerli paltar geyinmiş modellərin yer aldığı reklamları və Meksika mədəniyyətini əks etdirən kampaniyaları ilə yerli insanları heyran etməyi də bacarıb.
Xanım
