COVID-19 peyvəndinin gözlənilməz təsiri aşkar edildi

Britaniya Ürək Fondunun (BHF) Sübut Mərkəzinin dəstəyi ilə Kembric, Bristol və Edinburq universitetlərinin alimləri COVID-19-a qarşı peyvəndin gözlənilməz təsirini aşkar ediblər.
 

Sfera.az xəbər verir ki, "Nature Communication" jurnalında dərc olunan araşdırmaya görə, peyvəndlər infarkt və insult hallarını azaldır.
 

Mütəxəssislər 46 milyon şəxsi (böyüklər) əhatə edən məlumatları 2020-ci ilin dekabrından 2022-ci ilin yanvarına qədər toplayıb təhlil ediblər. Peyvənddən sonra ürək-damar xəstəliklərinin tezliyi öyrənilib və peyvənddən əvvəl və ya peyvənd olunmayanlar arasında insident məlumatları ilə müqayisə edilib. Arterial və venoz tromboza, o cümlədən infarktlara və ağciyər emboliyasına xüsusi diqqət yetirilib.
 

Mütəxəssislər peyvəndin ilk dozasından sonra 13-24 həftə ərzində infarkt və insultların nisbətinin 10 faiz azaldığını aşkar ediblər. İkinci dozadan sonra belə halların tezliyi "AstraZeneca" vaksinindən sonra 27 faiz, "Pfizer-Biotech" peyvəndindən sonra isə 20 faiz azalıb. Oxşar azalma venoz trombotik hadisələr üçün də müşahidə edilib.

İnci
Sfera.az