Hindistanın cənubundakı Kerala ştatında sürüşmə nəticəsində ölənlərin sayı 41 nəfərə çatıb.

Sfera.az TASS-a istinadən xəbər verir ki, bu barədə yerli “Asianet” informasiya portalı məlumat yayıb. Daha əvvəl 24 ölü və ən azı 70 yaralının olduğu bildirilmişdi.

Ştatın səhiyyə naziri Vina Corcun jurnalistlərə verdiyi açıqlamaya görə, hadisə yerində körpü uçduğu üçün xilasedicilərin əraziyə girişi çətinləşib.