\"Paşinyanın hakimiyyətdə olması müharibə təhlükəsi yaradır\" - Partiya sədri

"Nikol Paşinyanın hakimiyyətdə olması böyük müharibə təhlükəsi yaradır". 

Sfera.az xəbər verir ki, bunu “Ardarutyun” partiyasının həmtəsisçisi Akop Akopyan bildirib.

O, N.Paşinyanın xalqı qorxu içərisində saxladığını deyib:

"Paşinyan cəmiyyəti qorxu mühitində saxlamağa çalışır ki, erməni maraqlarına zidd olan hərəkətlərini, addımlarını həyata keçirə bilsin. Nikol Paşinyan bunu etməyə qadir olduğunu bir neçə dəfə sübut edib. Bunun bariz sübutu 9 noyabr 2020-ci il tarixli müqavilədir. Müqaviləni imzalamaqla o, 30 min əsgərin həyatını xilas etdiyini bəyan etdi. Bu, hakimiyyəti saxlamaq üçün tanış skriptdir".

A.Akopyan Paşinyanın "artsax respublikası"nı inkar etdiyini vurğulayıb:

"Paşinyan üçün əslində artsaxın hakimiyyəti yoxdur, Qarabağın nümayəndələri var. Başqa sözlə, artsax respublikası artıq mövcud deyil. Azərbaycan prezidenti də həmin ifadələri işlədir. Ona görə də bu, mənim üçün yeni xəbər olmadı və məni təəccübləndirmədi. Ola bilsin ki, həmin mətbuat konfransının əsas məqsədlərindən biri xalqı düşmənin sözləri ilə tanış etmək olub. Paşinyan mətbuat konfransı zamanı eyham vurub ki, artsax yoxdur, artsax məsələsi yoxdur, Qarabağ var və Qarabağda ermənilər yaşayır, Qarabağda yaşayan ermənilərin nümayəndələri də var".

İnci