Dünya ekoloji fəlakətin astanasında
Cəmiyyət
04:50 / 03.01.2016
895
Planetdə iqlim dəyişikliyi ilə bağlı alimlərin proqnozları özünü doğruldur.
Publika.az xəbər verir ki, bu barədə amerika dərgisi olan “The New York Times”da 2015-ci ilin ekoloji anomaliyalarına həsr olunmuş məqalədə bildirilib.
Mənbə bildirir ki, yola saldığımız il Yerin bütün qütblərində anomal istilər müşahidə olunub. Dekabr ayında isti hava olduğuna görə hətta soyuq enliklərdə yerləşən regionlarda ağaclar çiçəkləməyə başlayıb.
Proqnozlara görə, 2016-cı ildə də temperatur yüksək olacaq. Afrikada şiddətli quraqlıqlar olacaq və bəzi ərazilər daşqınlardan əziyyət çəkəcək. O cümlədən, yaxın həftələr ərzində ABŞ-da Missisipi çayının daşacağı gözlənilir.
Tədqiqatçıların fikrinə görə, bütün iqlim dəyişikliklərinin səbəbkarı Sakit okeanda olan El-Ninodur. Onların qənaətinə görə, son bir neşə ay ərzində artıq planetin müəyyən təbii sahələrində iqlim dəyişiklikləri başlayıb və istiləşmələr müşahidə olunur.
Tədqiqatçılar hesab edirlər ki, El-Nino hər 3-7 ildən bir müşahidə olunur və hər dəfədə də fərqli təsir göstərir. Ekspertlərin sözlərinə görə, artıq El-Nino insanların fəaliyətinə əhəmiyyətli dərəcədə təsir etməyə başlayıb. Ekoloqlar xeyli əvvəldən insanları iqlim dəyişikliklərinə ciddi yanaşmağa çağırıblar. Artıq hadisələr göstərir ki, ekoloqların iqlim dəyişiklikləri ilə bağlı proqnozları özünün doğruldur.