Donald Trampın "Rusiya sənədi" ictimaiyyətə açıqlanacaq

Donald Trampın
Amerika Birləşmiş Ştatlarında (ABŞ) apellyasiya məhkəməsi Robert Mullerin Rusiyanın 2016-cı il seçkilərinə müdaxilə etdiyi iddialarını araşdıran istintaq materiallarının ictimaiyyətlə açıqlanmasına qərar verib.

Sfera.az xəbər verir ki, "Buzzfeed News"-un müraciətindən sonra məhkəmə Ədliyyə Departamentindən Muellerin hesabatının 10 hissəsinin ictimaiyyətə açıqlanmasını istəyib.

Məhkəmə heyəti aşağı instansiya məhkəməsinin hesabatın bəzi hissələrini məxfi saxlamaq qərarının məqsədəuyğun olduğunu, lakin "BuzzFeed News"un açıqlanmasını istədiyi hissənin, "Tramp və digərlərinin ittiham olunmamasını tövsiyə edən" hissəsinin ictimaiyyətlə paylaşılmasının lazım olduğunu bildirib.
Hakim Karen LeKraft Henderson, sözügedən bölmədə yeni məlumatların olmadığını və onun açıqlanmasının sözügedən şəxslərin reputasiyasına xələl gətirməyəcəyini bildirib.

Qeyd edək ki, 2017-ci ildə Robert Muller bu işlə bağlı xüsusi prokuror təyin edilib və seçki prosesi zamanı Trampın kampaniyasının fəaliyyəti araşdırılıb. Təxminən 2,5 illik araşdırmadan sonra Trampı mühakimə etmək üçün heç bir dəlil tapılmayıb və iş bağlanıb.
 
Əzizə Zeynal
 
 
Sehliyali
Turan Bank

OXŞAR XƏBƏRLƏR