İstirahət üçün restorana gedən üç qadının aldığı dönərin içindən çıxan narkotik maddə müştəriləri şoka salıb.

Sfera.az xəbər verir ki, hadisə İngiltərədə baş verib. Ölkənin qərbi Sasseks bölgəsində Gemma Hodd adlı qadın və iki rəfiqəsi dönər yemək üçün "İstanbul Gril” adlı restorana üz tutublar. Aldıqları üç ədəd dönəri evə gətirərək yemək istəyən xanımlar qarşılaşdıqları mənzərə qarşısında gözlərinə inana bilməyiblər. 

İçindən dərman preparatları çıxan dönərə görə xanımlar restorandan polisə şikayət ediblər. Araşdırma zamanı məlum olub ki, dönərin içindən çıxan narkotik maddədir. Faktla bağlı iki restoran işçisi saxlanılıb.