Sfera.az xəbər verir ki, oktyabrın 8-də Goranboyda Kənd Təsərrüfatı Nazirliyinin Rayon Dövlət Aqrar İnkişaf Mərkəzinin direktoru 64 yaşlı Ziyad Əhmədovu bıçaqla qətlə yetirən 29 yaşlı Mirhadı Bağırov əvvəllər də müxtəlif cinayətlərə görə məsuliyyətə cəlb edilibmiş.

Belə ki, hələ 5 il əvvəldən rayonda cinayətə meylli şəxs kimi tanınıb. Elə bu səbəbdən də bir neçə dəfə polis orqanlarına gətirilərək onunla profilaktiki iş aparılıb, xəbərdarlıqlar edilib. Lakin bütün bunlara baxmayaraq M.Bağırov 2019-cu ildə narkotiklərin qanunsuz dövriyyəsində şübhəli bilindiyi üçün polis əməkdaşları tərəfindən saxlanılıb. Ondan 10 qrama yaxın narkotik vasitə olan heroin götürülüb. Həmin vaxt faktla bağlı Cinayət Məcəlləsinin 234.1-ci maddəsilə cinayət işi başlanıb və M.Bağırov həbs edilibmiş.

Qeyd edək ki, oktyabrın 8-də Goranboyda Kənd Təsərrüfatı Nazirliyinin Rayon Dövlət Aqrar İnkişaf Mərkəzinin direktoru 64 yaşlı Ziyad Əhmədov müsahibi Mirhadi Bağırov tərəfindən qətlə yetirilib.

 

(lent.az)