“Diplomatiyanın tükəndiyi yerdə önə generallar çıxır” – Deputat Ermənistana dəmir yumruğu xatırlatdı
13:47 / 07.06.2021
1953
"Noyabrın 10-da üçtərəfli bəyanatın imzalanması ilə hərbi
əməliyyatlara son qoyulsa da, reallıqda
Ermənistan Azərbaycana qarşı iki istiqamətdə müharibəni davam etdirir. Hətta bir çox hallarda bu müharibə intensivləşməyə başlayıb. Ermənistan
Azərbaycana qarşı mina və informasiya müharibəsi aparmaqda davam edir”.
Bu sözləri
Sfera.az-a açıqlamasında Ermənistanın mina xəritələrini verməməsi və sərhəddə təxribatları
davam etdirməsi fonunda hansı addımların atılmalı olduğuna toxunarkən Milli Məclisin
deputatı Elman Nəsirov deyib.
Deputatın
fikrincə, belə bir reallıqda Azərbaycan ilk növbədə diplomatik fəaliyyəti gücləndirməli
və bütün diplomatik kanallardan istifadə etməklə Ermənistanın iç üzünü işfa etməlidir:
"Xüsusən də ATƏT-in Minsk Qrupunun üzərinə böyük məsuliyyət düşəcək. Onlar dialoq təşəbbüskarı kimi çıxış edir. Ermənistan
hələ də mina müharibəsini davam etdirir. Amma həmsədrlər İrəvana heç bir təzyiq
göstərmir, sadəcə dişsiz bəyanatlarla kifayətlənirlər. Azərbaycan Prezidenti İlham Əliyev,
Vitse-prezident Mehriban xanım Əliyeva bu məsələ ilə bağlı qətiyyətli və
prinsipial siyasət həyata keçirir, beynəlxalq ictimaiyyəti məlumatlandırırlar”.
Deputat
düşünür ki, bu məsələ ilə bağlı xüsusən də beynəlxalq qeyri-hökumət təşkilatlarını
ittiham etməyimiz üçün unikal şərait yaranıb:
"Həmişə
onlar ölkəmizi qərəzli şəkildə ittiham edib.
Amma indi ölkəmizin onları ittiham etməsinə ciddi əsasımız var. "Fridem
Hause”, "Sərhədsiz Reportyorlar”, "Human Rayts” kimi təşkilatlar niyə Ermənistanın
bu siyasətilə bağlı mövqe ortaya qoymurlar?”
Rüfət SULTAN