Sağlam dilin çəhrayı olduğunu hamımız bilirik. Buna görə dildə yaranan ağ ləkələr narahatlıq yaradır. Dildəki ağ ləkələrin hansı səbəbdən yarandığı və müalicəsinin mümkün olub-olmadığı maraqlıdır. Aile.lent.az dildəki ağ ləkələrlə bağlı bilmədiyiniz bir çox faktlarla sizi tanış edir.

Dilin üst hissəsi kiçik pulcuqlardan ibarətdir. Yeyilən qidaların qalıqları bəzən dildə bakteriya yaranmasına səbəb olur. Bu bakteriyalar dildə olan toxumaların arasına yerləşərək iltihab yaradır. İltihabın meydana gəlməsi nəticəsində dildə ağ ləkələr yaranır. Bu ağ ləkələr bəzən infeksiya əlaməti, bəzənsə ciddi xəstəliklərin xəbərçisi ola bilər.

Ağ dilin ən geniş yayılan əlaməti dehidrasiyadır. Quru ağızda bakteriyalar qısa müddət ərzində törəməyə səbəb olur. Diş fırçalayarkən dili də fırçalamaq dilin ağarması riskini azaldır. Eyni zamanda, dil nizamlı təmizlənmədikdə göbələk meydana gələ bilər. Bu göbələklər vaxt keçdikdcə diş ətləri, badamcıqlar və boğazın arxa tərəfinə yayıla bilər. Bununla yanaşı...

- Bədənin hər hansı bir yerində meydana gələn infeksiyalar

- Qızdırmalı xəstəliklər

- Boğaz infeksiyaları (dildə göbələk meydana gəlməsi)- Spirtli içkilər və siqaret istifadəsi

- Ürək xəstəliyi və ədviyyatlı yeməkləri çox yemək də digər əhəmiyyətli faktorlar arasındadır.

Müalicəsi üçün nə etmək lazımdır?

İltihablı ağ dil bağırsaqlardakı sağlam bakteriyaların az olduğuna işarədir. Bunun qarşısını almaq üçün bol miqdarda probiotikli qidalar yemək lazımdır. Probiotikli qidalar bağırsaqdakı faydalı bakteriyaların yaranmasını və nəticədə ağ ləkələrin müalicəsini təmin edir.

Hindqozu yağı

Hindqozu yağı bakteriyaların ağızdan atılmasını təmin edən ən əhəmiyyətli üsuldur. Aparılan  araşdırmalar sübut edir ki, hind qozu yağı ağızda yaranan mikroorqanizmləri azaldır. Bir yemək qaşığı hind qozu yağını ağzınızda 10 dəqiqə saxlayın və tüpürün. Ağzınızı ilıq suyla yuduqdan sonra dişlərinizi hər zamankı kimi fırçalaya bilərsiniz.(DAY.AZ)