\"Dəstəyi kəssəniz, Avropanın ən güclü ordusunu quracağıq\" - Zelenskidən XƏBƏRDARLIQ
10:42 / 17.06.2021
1946
Ukrayna Prezidenti Vladimir Zelenski Qərb ölkələrinin Donbasdakı böhranın həlli istiqamətində ölkəsini dəstəkləməyi dayandırmasından danışıb.
Sfera.az xəbər verir ki, o, bu halda Kiyevin problemi təkbaşına həll etmək üçün Avropada ən güclü ordu quracağını bildirib.
Vladimir Zelenski insan potensialından istifadə edərək texniki və hərbi üstünlük əldə edə biləcəklərini, lakin bunun elə də yaxşı bir şey olmadığını vurğulayıb:
"İnsanlar elm adamı olmaq və ölkələrini texnoloji olaraq inkişaf etdirmək yerinə ailələrini və evlərini necə qorumaq barədə düşünəcəklər”.
Prezident hazırda ukraynalıların Donbasda NATO və Avropa İttifaqı tərəfindən dəstəklənən prinsiplər uğrunda öldüyünü qeyd edərək Avropa ölkələrinə vəziyyətə müdaxilə etmədikləri təqdirdə, sərhədləri yaxınlığında yeni böhranların baş verə biləcəyi barədə xəbərdar edib.
Rusiyalı hərbi ekspertlər isə Zelenskinin bu açıqlamasını populizm adlandırıb. Hərbi ekspert Aleksey Leonkov Avropada ən güclü ordunu qurmaq üçün hərbi büdcəyə və müasir silahlarla təchiz edə bilən hərbi sənayeyə sahib olmağın şərt olduğunu, Ukraynanın isə bu imkanlara sahib olmadığını qeyd edib.
Əzizə Zeynal
Sfera.az