"Mən dəfələrlə komitə iclaslarında, plenar iclaslarda dövlət dilinin tətbiqi ilə bağlı məsələlərə toxunmuşam”.

APA-nın məlumatına görə, bunu Milli Məclisin bu gün keçirilən iclasında millət vəkili Tahir Kərimli deyib.

T. Kərimli bildirib ki, dövlət dilinin qorunmasına ehtiyac var: "Məsələn, mənim adımı fars dilindən çevirsək, adım olacaq Təmiz Köməkli. Toponomiya sözü ancaq yerlə bağlıdır? Hidronomiya ilə bağlı terminləri dəyişəndə də ona bu komissiya baxacaq? Milli Məclis yeganə nümunəvi orqandır ki, dövlət dilinin tətbiqi burada gözlənilir. Ancaq digər yerlərdə bunu demək mümkün deyil. Məsələn, bu yaxınlarda nəvəmin adını "Doğrul” qoymağa icazə vermədilər. Dedilər ki, Toğrul olmalıdır. Toğrul isə əslində Azərbaycan dilində Doğrul deməkdir”.