Deputat dərslərin sentyabrın 1-dən başlanmasını təklif etdi

Deputat dərslərin sentyabrın 1-dən başlanmasını təklif etdi
 

Bu gündən etibarən artıq yeni dərs ili başladı. Bəzi vətəndaşlar dərsin sentyabrın1-dən, bəziləri isə sentyabrın 15-dən başlamasının tərəfdarıdır.

Sfera.az bildirir ki,  deputat Fazil Mustafa da bu məsələyə öz münasibətini bildirib. O qeyd edib ki, bu gecikmə şagirdlərin məktəbə adaptasiyasına mənfi təsir göstərir.

"Bu gün bir daha əmin oldum ki, biz azərbaycanlılar zamanın tələb etdiyi ağıllı qərarları bir neçə il gecikməklə aldığımıza görə, uduzmuşuq. Dərslərin sentyabrın 1-dən başlaması sadəcə zərurətdir. Qoy iyunun 15-dək davam etsin, ancaq buradan da əlavə 15 gün qazanmış olarıq. Onsuz da müəllimlərin hamısı avqustun sonlarından məktəbdə işə cəlb olunurlar. 

Burada arqument axtarmağa da gərək yoxdur. Qarabağ savaşında məğlub olmuş, milyona yaxın qaçqını olan bir xalqın övladlarının fasiləsiz təhsildən başqa nicatı yoxdur. Hər il itirdiyimiz bu 15-16 gün üst-üstə yığılanda az vaxt etmir. 

İllərdir xəbərdarlıq etdiyim cəhalət, xurafat dalğası bu ilin mənzərəsini seyr edən çoxlarını artıq rahatsız etməyə başlayıb. Cəhalətin də yeganə alternativi mümkün qədər çox vaxtın təhsilə sərf olunmasıdır. "Bilik günü" ifadəsi də bu vaxt dəyişiminə görə saxta görünür. Azərbaycan insanı üçün hər gün bilik günü olmalıdır, biz bu cür vaxt itikiləri ilə dünya ilə ayaqlaşmada çətinlik çəkəcəyik. 

Məktəblərdə Novruz bayramı tətilini də 3 gündən artıq etmək vaxt itkisidir. Bu eyni zamanda ali təhsil müəssisələrinə, kolleclərə də aiddir. Tam məsuliyyətimlə deyirəm, bu 15 gün gecikmə, ardınca da bir həftə adaptasiya ilə bağlı boşuna keçirilən vaxt təhsilin keyfiyyətinə də pis təsir göstərir.”

OXŞAR XƏBƏRLƏR

Təhsil Nazirliyindən yeni tədris iliylə bağlı - AÇIQLAMA

  Təhsil Nazirliyi yeni dərs ilində tədris prosesinin təşkili haqqında məlumat yayıb. Sfera.az-a daxil olan məlumatda qeyd edilir ki, ölkəmizdə koro...

Dərslərin başlaması ilə bağlı XƏBƏR — İlk olaraq bu siniflər

 Hazırda orta məktəblərdə tədrislə bağlı Təhsil Nazirliyi tərəfindən təkliflər hazırlanır və Nazirlər Kabineti yanında Operativ Qərargaha təqdim ediləcək. ...

DİM 5-11-ci siniflər üzrə sınaq imtahanları keçirir

  Dövlət İmtahan Mərkəzi (DİM) tərəfindən 5-11-ci sinif dərsliklərinin hər bir mövzusuna dair test tapşırıqlarının otk.az portalına yerləşdirilməsi başa ç...

Təhsil müəssisələrində dərslərə bu tarixə kimi icazə verilməyəcək

 2020-ci il 31 avqust saat 00:00-dək ölkə üzrə tətbiq olunan xüsusi karantin rejimi ilə əlaqədar bütün təhsil müəssisələrində tədris və təlim-tərbiyə prose...

Bu abituriyentlər yenidən imtahan verəcəklər

  Dövlət İmtahan Mərkəzi ali və ya orta ixtisas təhsili müəssisələrinə sənəd verən, lakin birinci Azərbaycan dili imtahanında iştirak etməyən və ya "qeyri...

Dövlət qulluğuna qəbul imtahanı keçiriləcək

  Dövlət İmtahan Mərkəzi tərəfindən 3 avqust 2020-ci il tarixində dövlət qulluğunda inzibati vəzifələrin A növünə (inzibati rəhbər vəzifələr) aid olan AA,...