No Image
No Image
No Image

Deputat: “Almaniya işğalçı Ermənistana ciddi zərbə vurub”

Deputat: “Almaniya işğalçı Ermənistana ciddi zərbə vurub”
 "Almaniya Ermənistanın və separatçı qurumun Avropadakı fəaliyyətinə ciddi zərbə vurub”.

Bunu "Report”a açıqlamasında Milli Məclisin Müdafiə, təhlükəsizlik və korrupsiya ilə mübarizə komitəsinin sədr müavini, deputat Hikmət Babaoğlu deyib.

O bildirib ki, Ermənistan işğal etdiyi Azərbaycan torpaqlarında qondarma Dağlıq Qarabağ adlı qurum yaradaraq onu beynəlxalq hüququn subyekti kimi dünyaya tanıtmaq istəyir. 

H.Babaoğlunun fikrincə, ermənilər beləliklə, status-kvonu legitimləşdirərək işğal etdiyi torpaqları özününküləşdirməyə çalışır: "Ancaq Azərbaycan diplomatiyasının səyi nəticəsində Ermənistanın irəliyə doğru atmaq istədiyi hər bir addım bumeranq effekti ilə özünə qarşı zərbəyə çevrilir. 

Almaniya XİN-in yaydığı son bəyanatda bir daha Dağlıq Qarabağ adlı bir qurumu tanımadığının bəyan edilməsi bu ölkənin beynəlxalq hüquqa, BMT nizamnaməsinə və Helsinki yekun aktının prinsiplərinə sadiq olmasının nümunəsidir. Çünki bütün bu sənədlərdə dövlətlərin ərazi bütövlüyü və suverenliyinin qorunması prinsipi irəli sürülür və müdafiə edilir. Ancaq Almaniya XİN-in bəyanatı təkcə bununla izah edilməməli, həm də Almaniya-Azərbaycan münasibətləri kontekstində qiymətləndirilməlidir. İki ölkə arasında mövcud olan bərəbərhüquqlu tərəfdaşlıq münasibətləri get-gedə inkişaf etməkdədir. Azərbaycan bu ölkə ilə həm Avropa İttifaqına üzv olan ölkələr çərçivəsində, həm də ikitərəfli müstəvidə yaxşı əlaqələr qura bilib. Unutmaq olmaz ki , Avropa İttifaqı Azərbaycanın ən mühüm ticarət tərəfdaşlarındandır".
 
 
Komitə sədrinin müavini vurğulayıb ki, bundan başqa, Avropanın enerji təhlükəsizliyinin təmin edilməsi və sahəsində Azərbaycan çox mühüm əhəmiyyətli enerji layihələri həyata keçirib və bununla da Avropanın enerji daşıyıcıları ilə təminatı bir qədər daha şaxələndirilmiş olub: "Hazırkı enerji təhlükəsizliyi baxımından bu çox vacibdir. Bundan başqa, ölkəmizin həyata keçirdiyi qlobal yol – nəqliyyat layihələri də tarixi İpək Yolunu bərpa etməklə uzunmüddətli və xeyli təhlükəli hesab edilən dəniz vasitəsilə yükdaşımalra yeni alternativ yaradıb. Bütün bunlar Azərbaycanın beynəlxalq münasibətlər sistemində yerinin və rolunun daha da artmasına səbəb olub". 

H.Babaoğlu deyib ki, bir müddət öncə Fransanın müstəqil məhkəmələri tərəfindən də qondarma rejimlə əlaqə yaradan qurumların anlaşmaları ləğv edilib: "Bütün bunlar əslində güclənən Azərbaycana adekvat münasibətin göstəriciləri hesab edilə bilər. Almaniyada eyni zamanda qeyri-qanuni qurumun siyasi reklamını həyata keçirən müxtəlif resursların da fəaliyyəti qadağan edilib ki, bu işğalçı Ermənistanın və separatçı qurumun Avropadakı fəaliyyətinə ciddi zərbə vurub. Ancaq, şübhəsiz ki , bu cür qərarlar bundan sonra da alınmaqla Avropada işğalçı dövlətin ictimai rəyə təsir etməyə hesablanmış hər cür fəaliyyəti məhdudlaşdırılmalıdır. Bu, Azərbaycan xarici siyasətinin əsas prirorietlərindən biridir. Torpaqlarımız işğaldan azad edilənə qədər də bu siyasət davam etdiriləcək”.

OXŞAR XƏBƏRLƏR

Ceyhun Bayramov Vaşinqtona gedir

 Bu ilin 23 oktyabr tarixində Azərbaycan Respublikasının Xarici İşlər naziri Ceyhun Bayramovun Vaşinqtonda Amerika Birləşmiş Ştatlarının Dövlət Katibi Mayk...

Mustafa Şentop: "Zəfərə qədər Azərbaycanın yanında olacağıq"

"Dünya, bəşəriyyət yeni dəyişikliklər axtarışındadır. İkili standartlardan uzaq, bütün insanların bərabərliyinə dayanan dünyanın qurulması lazımdır”. Sfer...

Sahibə Qafarova: "Azərbaycanın müzəffər ordusu hədəflərinə çatır”

"Vətən müharibəsində bizim hədəflərimiz bəllidir. Azərbaycanın müzəffər ordusu hər gün öz hədəflərinə çatır”. Sfera.az  xəbər verir ki, bunu Milli Mə...

“Qubadlıdakı strateji hədəf nəzarətə götürüldükdən sonra məsələ bitir” – Şahin Cəfərli

"Həmsədr ölkələr hələ də baza prinsiplərindən danışır. Belə çıxır ki, cəbhədəki real vəziyyətdən xəbərləri yoxdur. Ya da xəbərləri var, sadəcə, missiyalarının...

Artilleriya bölmələrimiz zərbələr endirir - VİDEO

Ermənistan silahlı qüvvələrinin atəş nöqtələrinə artilleriya bölmələrimiz zərbələr endirir.   Sfera.az xəbər verir ki, bu barədə Müdafiə Nazirliyi məlu...

TBMM sədri: "Minsk qrupunun beyin ölümü gerçəkləşib"

"Azərbaycanın daha 30 il də gözləyəcək vaxtı yoxdur. Beynəxlaq təşkilatlar qəbul etdiyi qərarlarının namusunu qorumalıdırlar”. Sfera.az xəbər verir ki, bu...