Sfera.az bildirir ki, bunu REAL partiyasının icraçı katibi Natiq Cəfərli deyib. Onun sözlərinə görə, kafe və restoranlarda ümumi istifadə üçün olan zallarda pasport tələb edilə bilər:

"Amma 3 saatdır eyni maşında yol gələn və ayrıca, heç bir kənar şəxslərin olmadığı kabinetlərdə oturmağı qadağan etmək hansı məntiqin, hansı beynin məhsuludur?!  Məsələn, eyni ailədən olanlardan tək birində COVİD pasport yoxdursa, onlar niyə kabinetdə yemək yeyə bilməzlər?! Ümumi zala buraxma, toya buraxma, çox sayda insanın eyni anda olduğu məkanlara buraxma - bunu anladıq, amma qeyd etdiyim məsələnin izahı nədir? Bunun virusla mübarizəyə nə dəxli var? Niyə onsuz da zülm çəkən xidmət sektorunu çökdürürsüz ki?”.

 

"Həm də deyirlər ki, vaksinləşmə virusdan qorumur. Vaksinləşən insan da yoluxa, yoluxdura bilər, simptompsuz daşıyıcı ola bilər. Yaxşı, bunu elm deyirsə, o COVİD pasportun nə önəmi var? Qapalı və ümumi istifadə üçün olan məkanlarda o kağızı istəyin, amma ayrıca kabinetlərdə bu qərarın tətbiqi məntiqsiz və mənasızdır”.