"COVID-19-un artıq tam olaraq geridə qaldığını düşünmək yanlışdır" - Tibb elmləri doktoru

"İstər bir çox inkişaf etmiş Avropa ölkələrində, istərsə də Azərbaycanda effektiv peyvəndlərlə peyvəndləmə faizi hələ etibarlı səviyyədə deyil”.
 
Sfera.az bildirir ki, bunu Almaniya-Azərbaycan Radioloji və Neyroradioloji Cəmiyyətinin sədri, Köln Universiteti Klinikasının şöbə müdiri, tibb elmləri doktoru Nuran Abdullayev deyib. O qeyd edib ki, təəssüf doğuran məqam hər kəsin COVID-19-un artıq tam olaraq geridə qaldığını düşünməyidir:
"Müxtəlif ölkələrdə təklif edilən peyvəndləmədə insanların iştirakı baxımından hiss edilən durğunlaşmalar arzu olunan deyil. Hər ölkədə fərqli qaydaların olması və onların tətbiqi narahat edicidir. Bu gün təkcə cəmiyyətlərdə deyil, eləcə də siyasi arenada koronanın "yorğunluğu” hiss edilir. COVID-19 üzərində buster effektin rolu haqqında 4,6 milyon insanın peyvəndləmədən sonrakı vəziyyətini incələyərək artıq danışmaq olar. Tədqiqatın nəticələri onu göstərir ki, buster dozanı alan şəxslər arasında yoluxma digər onu almayan qrupla müqayisədə təxminən 10 dəfə aşağı olub. Xəstəliyin ağır forması isə 19-20 dəfə aşağı olub. COVID-19-a görə ölüm halları 60 yaşdan yuxarı olan şəxslərdə olub ki, bu da buster doza alan qrupda 14 dəfə az olub”.

Mütəxəssisin sözlərinə görə, unutmaq olmaz ki, burada buster doza "BNT162b2” peyvəndi ilə aparılır və bunu qəbul edən şəxslərin böyük əksəriyyətinə də daha öncədən Biontech/Pfizer peyvəndi vurulub:

""Sinovacla” bağlı, yəni daha öncə "Sinovac” vurdurub buster olaraq Biontech/Pfizer peyvəndi almaq konsepti ilə əlaqədar isə mənim istinad edəcəyim elə bir ciddi elmi tədqiqat nəticəsi hələ yoxdur. Son elmi tədqiqat göstərir ki, effektiv peyvənd olan şəxsin digər effektiv peyvənd olan şəxsi yoluxdurması elmi olaraq çox az ehtimal edilir.

Azərbaycanda peyvəndin tətbiqi zamanı vacib olan amillərdən biri də valideynlərin maksimum şəkildə maarifləndirilməsidir. Həkimlər elmi əsaslı şəkildə valideynlərə peyvənddən sonra yarana biləcək simptomları izah etməlidirlər. Tövsiyə edərdim ki, valideynlər sağlam övladlarının müasir elmin qeyd etdiyi normalar çərçivəsində aktiv şəkildə peyvəndləmədə iştirakına icazə versinlər”.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

"Azərbaycanda doğulan uşaqların sayı 1950-ci illərin göstəricisinə düşüb" - Ailələrə müavinət verilməsi təklif edilir

"Putin hər üçüncü uşağa görə 14 min dollarlıq müavinət verməyi təklif etdi.  Biz hər ikinci uşağa görə 12,7 min dollar təklif edəndə düşük lətifələr təklif...

Türkiyəli alimlərdən xərçəng xəstələrinə ŞAD XƏBƏR

Almaniyada koronavirusa qarşı peyvənd hazırlayan biotexnoloji şirkət "BioNTech”in qurucusu, türkiyəli alimlər Uğur Şahin və Özlem Türeci yeni hazırladıqları pey...

Həkimlər xərçəngin qeyri-adi əlamətini açıqlayıblar

Böyük Britaniya həkimləri tez-tez hıçqırıqların xərçəngə işarə edə biləcəyini deyiblər. Sfera.az bildirir ki, bunu Trend-ə bu barədə "Daily Express" qəzet...

Xroniki stress beyni dəyişir – Psixoloji xəstəliklərin səbəbi

Uzun müddət davam edən, yəni 6 aydan 3 ilə kimi xroniki stress beynin fiziki və kimyəvi xassələrində bir sıra dəyişikliklər yaradıb, psixi xəstəliklərə səbəb ol...

Seksin 8 faydası - BUNLARI HƏR KƏS BİLMƏLİDİR

Cinsi əlaqə zamanı insan beynində yerləşən və insanın əhval — ruhiyyəsini qaldıran endorfin adlı maddənin miqdarı artır. Cinsi əlaqə zamanı qan dövranı yax...

Metroda korona xəstəsi saxlanıldı - FOTO

Metronun "Koroğlu" stansiyasında aktiv koronavirus xəstəsi saxlanılıb. Sfera.az xəbər verir ki, 1981-ci il təvəllüdlü Rövşən Abdulov saxlanılaraq aidiyyət...