Yollardakı yeni kameralar sürücüləri çaşdırdı

Sosial şəbəkələrdə yollarda videokameralar quraşdırılması sürücülər arasında müəyyən fikirlər yaradıb.

Sfera.az xəbər verir ki, sürücülər bu cür çəkilişlərin radar olduğunu düşünürlər. 

Bu kameraların nə ilə bağlı olduğunu öyrənmək üçün AYNA-ya sorğu ünvanladıq. 

Azərbaycan Yerüstü Nəqliyyat Agentliyinin (AYNA) mətbuat katibi Tural Orucov sorğumuza cavab olaraq bildirdi ki, çəkilişlər qurum tərəfindən aparılır. 

"AYNA tərəfindən Bakı şəhəri və ətraf ərazilərdə nəqliyyat modelinin yenilənməsi məqsədilə nəqliyyat axınlarının videoçəkilişləri aparılır. Çəkiliş podratçı şirkətin əməkdaşları tərəfindən günün müxtəlif saatlarında həyata keçirilir", - deyə T.Orucov bildirib.