İsti hava şəraitində işləyənlərin NƏZƏRİNƏ! - Bunları BİLMƏLİSİNİZ

İsti hava şəraitində işləyənlərin NƏZƏRİNƏ! - Bunları BİLMƏLİSİNİZ

Ölkə ərazisində isti havalar müşahidə olunur. Digər tərəfdən, açıq şəraitdə, günün altında işləmək məcburiyyətində qalan xeyli insan var. Bəzən isə temperatur hətta 40 dərəcəyə çatanda belə açıq havada işləyənlərə güzəşt edilmədiyi barədə eşidirik.

 

İsti hava şəraitində işçilərin hüquqları nədən ibarətdir?

 

Sfera.az bildirir ki, əmək qanunvericiliyinə əsasən, havanın temperaturu azı 41 dərəcə selsidən çox olan isti və açıq şəraitli iş yerlərində, eləcə də, havanın temperaturu 41 dərəcə selsidən çox olan sərinləşdirici qurğular olmayan örtülü binalarda, otaqlarda və digər iş yerlərində bütün növ işlərin görülməsi dayandırılır və işçilərə sərinləşmək üçün imkan yaradılmaqla fasilələr verilir.

 

“İşlərin dayandırılması və işçilərə sərinləmək üçün fasilələr verilməsi, habelə bu fasilələrin sayının və müddətinin müəyyən edilməsi işəgötürənlə həmkarlar ittifaqları təşkilatının birgə qərarı ilə həyata keçirilir. İstehsalın fasiləsiz xarakterli olması ilə əlaqədar işi dayandırmağın qeyri-mümkün olduğu yerlərdə işin dayandırılması bir-birini əvəz edən növbələr müəyyən olunması ilə əvəz edilir. Növbələrin bir-birini əvəz etməsi həmkarlar ittifaqları təşkilatının razılığı ilə işəgötürən tərəfindən müəyyən olunur. Fasilələr iş vaxtına daxil edilir və bu fasilələr zamanı əməkhaqqı işçilərin tarif maaşına görə ödənilir”, - qanunda bildirilir.

 

Qanuna əsasən, iş dayandırıldıqda, boşdayanma vaxtının haqqı işçinin təqsiri üzündən baş verməyən boşdayanma kimi, tarif maaşının üçdə iki hissəsindən az olmayaraq ödənilir. Həmçinin iş dayandırıldıqda işçi başqa işə keçirilə bilər. Bu halda işçi azmaaşlı işə keçirilərsə, onun əvvəlki vəzifəsi (peşəsi) üzrə əməkhaqqı saxlanılır. 

 

Günay 


OXŞAR XƏBƏRLƏR

Leysan olacaq, dolu düşəcək - XƏBƏRDARLIQ

Azərbaycanda iyulun 24-dən hava şəraiti dəyişir.   Bu barədə Sfera.az-a Milli Hidrometeorologiya Xidmətindən məlumat verilib.   Bildirilib...

Ağadadaş Ağayevi döyən gözətçi saxlanılıb? - RƏSMİ AÇIQLAMA

Sosial şəbəkələrdə Xalq artisti Ağadadaş Ağayevi döyən "MedEra Hospitalı"nın gözətçisi Nurəddin Cəlilovun saxlanıldığı iddia olunub.   Sfe...

"Ayda daimi baza yaratmalıyıq" - Maskdan maraqlı TƏKLİF

Amerikalı iş adamı, milyarder İlon Mask Ayda daimi əhalisi olan baza yaratmağı təklif edib.   Sfera.az xəbər verir ki, o, bu barədə sosial şəbəkədək...

Rusiya və İran tarixi sənədi imzalamağa hazırlaşır - XİN rəsmisindən AÇIQLAMA

“Rusiya və İran bu tarixi sənədin imzalanması üçün zəmin yaradan hərtərəfli əməkdaşlıq müqaviləsinə son nöqtəni qoyub”.   Sfera.az xəbər...

Yetkinlik yaşına çatmayanların kəbinini kəsənlər iki min manat cərimələnəcək

Yetkinlik yaşına çatmayanların kəbinini kəsənlər cərimələnəcək.   Sfera.az-ın xəbərinə görə, bununla bağlı Prezident İlham Əliyev İnzibati Xətal...

Yetkinlik yaşına çatmayanların toy və nişan mərasimlərini keçirənlər CƏRİMƏLƏNƏCƏK

Yetkinlik yaşına çatmayanların toy və nişan mərasimlərini keçirənlər 13 min manatadək cərimələnəcək.   Sfera.az-ın xəbərinə görə, bununla bağlı Prezi...