Koronavirusun yeni variantı ilə bağlı əhaliyə RƏSMİ XƏBƏRDARLIQ

Koronavirusun yeni variantı ilə bağlı əhaliyə RƏSMİ XƏBƏRDARLIQ

Tibbi Ərazi Bölmələrini İdarəetmə Birliyi (TƏBİB) COVID-19-un alt variantı olan EG.5 - elmi ədəbiyyatda həm də “Eris” kimi tanınan virusla bağlı əhaliyə xəbərdarlıq edib.

 

TƏBİB-in Yoluxucu xəstəliklər və infeksion nəzarətin təşkili şöbəsinin müdiri Nəzrin Mustafayeva Sfera.az-a açıqlamasında bildirib ki, artıq bir neçə aydır COVID-19-un alt variantı olan EG.5 - elmi ədəbiyyatda həm də “Eris” kimi tanınan virus son zamanlar bütün dünyada sürətlə yayılmaqdadır.

 

O qeyd edib ki, xüsusilə, ABŞ, Çin, Böyük Britaniya və Avropanın digər ölkələrində yeni yoluxmalara və yoluxma saylarında artıma səbəb olub: "Bu hal ilk dəfə deyil, daha öncə də COVID-19-un digər ştamlarında qeydə alınıb. Tendensiya onu göstərir ki, hər bir yeni yaranmış ştam özündən öncəki ştamdan daha yüngül simptomlara malik olur. Lakin yeni ştamların yoluxduruculuq qabiliyyəti əvvəlkilərdən yüksək olması ilə fərqlənir. Bu isə qısa zamanda kütləvi yoluxmalara səbəb olur".

 

Hazırda Azərbaycanda COVID-19 xəstəliyinin yeni ştamına yoluxma hallarına rast gəlinmədiyini xatırladan TƏBİB rəsmisi vurğulayıb ki, insanların böyük əksəriyyəti COVID-19 xəstəliyini artıq keçirib və sağalıb: "Ölkədə peyvəndlənmə faizi də qənaətbəxş hesab ediləcək səviyyədədir. COVID-19-un alt variantı olan EG.5-ə qarşı xüsusi peyvənd növünün hazırlanması və xüsusi peyvəndlənmə prosesinin başlanılması barədə beynəlxalq protokollarda tövsiyələr mövcud deyil. Hər zaman olduğu kimi, COVID-19-un bütün ştamlarına qarşı risk qrupuna daxil olan şəxslər daha diqqətli olmalıdırlar. Risk qrupuna yanaşı və xroniki xəstəlikləri olanlar, peyvənd olunmayan şəxslər daxildir".

 

Qeyd edək ki, Ümumdünya Səhiyyə Təşkilatının məlumatına görə, dünya üzrə son zamanlar COVID-19-a yoluxanların sayı 38 % artıb. Belə ki, Koreya, İtaliya, Böyük Britaniya, Avstraliya və Sinqapurda yoluxma sayında kəskin artım qeydə alınıb. Hazırda ABŞ-da COVİD-ə yoluxma 2020-ci ilin ilk pandemiyasının statistikasına yaxınlaşır. Ölüm halları avqust ayı ilə müqayisədə 5% artıb. Qardaş Türkiyədə isə yeni ştamla əlaqəli həyəcan təbili çalınıb.


OXŞAR XƏBƏRLƏR

Borrell və Araqçi yaxın gələcəkdə GÖRÜŞƏCƏK

Borrell və Araqçi yaxın gələcəkdə görüşəcək. Sfera.az xəbər verir ki, bu barədə İran XİN sözçüsü Naser Kənani bugünkü brifinqdə bildirib. ...

Rusiya Çinlə hərbi təlimlərə QATILACAQ

Rusiya ordusu sentyabrda Çinin keçirdiyi təlimlərə qatılacaq.   Sfera.az Report-a istinadən xəbər verir ki, bu barədə “Xinhua“ məlum...

Simonyan Ermənistanın KTMT-dən çıxacağını İSTİSNA ETMƏDİ

"Ermənistanın Kollektiv Təhlükəsizlik Müqaviləsi Təşkilatından çıxa biləcəyini istisna etmirəm".   Sfera.az-ın “Sputnik-Armenia&...

Hansı hərbçilərin ipoteka kreditlərinə dövlət maliyyə dəstəyi verəcək və proses necə icra ediləcək? - İZAH

Azərbaycan Prezidenti “Azərbaycan Respublikası Müdafiə Nazirliyinin strukturuna daxil olan Milli Müdafiə Universitetinin tabeliyindəki xüsusi təyinatlı tə...

Tatarıstan Prezidenti: "Cəbrayıl, Qubadlı və Zəngilanın inkişaf tempinəheyran qaldım"

Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsi Vahid Hacıyev Tatarıstan Prezidenti Rüstəm Minnixanovla görü...

Çin XİN başçısı Rusiyaya SƏFƏR EDƏCƏK

Çin Xalq Respublikasının xarici işlər naziri Van İ Rusiyaya səfər edəcək.   Sfera.az xəbər verir ki, bu barədə Çin Xarici İşlər Nazirliyi məlumat yay...