“Ötən il kibercinayət dünya ticarətinə 8 trilyon dollar zərər vurub” -  Fərid Əhmədov

“Bütün təhsil pillələrində kibertəhlükəsizlik tədris olunmalıdır”.

Sfera.az xəbər verir ki, bunu Sosial Tədqiqatlar Mərkəzinin Avropa Birliyi və Avropa Şurası ilə birgə tədqiqat layihəsinin nəticələrinin təqdimatı ilə bağlı konfransda çıxışı zamanı Azərbaycan Respublikası Rəqəmsal İnkişaf və Nəqliyyat nazirinin müavini Fərid Əhmədov bildirib.

O, ötən il kibercinayətin dünya ticarətinə 8 trilyon dollar zərər vurduğunu deyib:

"Kibertəhlükəsizlik problemi kompleks tədbirdir və dövlət qurumları səlahiyyətləri çərçivəsində bu problemə məşğul olur. Problemin əsas faktoru insanlarla bağlıdır. Yəni  insanlar bu sahədə maarifləndirilməlidir. Artıq rəqəmsalaşma bizim gündəlik həyatımıza sirayət edib və bu, fiziki gigiyena halını alıb. Artıq bütün yaş təbəqələri kibergigiyena ilə tanış olmalıdır. Bu, təhsil sisteminin bütün pillələrində özünü əks etdirməlidir.

Universitetlərdə ixtisasdan asılı olmayaraq kibertəhlükəsizlik tədris olunmalıdır. Biz özəl sektorun bu sahədə mütəxəsislər formalaşdırmasını təklif edirik. Bu amil sözügedən sahədə mütəxəssis çatışmazlığının qarşısını ala bilər".

Əzizə Zeynal

Fotolar: Anar Bayramlı