“Cehiz almaq üçün götürülən kreditlərə güzəşt edilsin” - Deputatdan banklara təklif
19:15 / 17.03.2020
4830
Deputat koronavirusla bağlı yaranmış indiki şəraitdə bankları vətəndaşlara banklara kreditlərini ödəmə müddətinin gecikməsinə görə cərimələr etməməyə çağırıb.
Sfera.az xəbər verir ki, belə bir təkliflə Milli Məclisin bu gün keçirilən plenar iclasında çıxış edən deputat Naqif Həmzəyev deyib.
Onun sözlərinə görə, koronavirusla bağlı toy və yas mərasimləri təxirə düşüb. "Ancaq unutmaq lazım deyil ki, xeyli sayda insanlarımız toy etmək üçün kreditlər götürüblər. Kreditin qaytarılmasında müəyyən problemlər yarana bilər. O baxımdan da təklif edirəm ki, banklar bu müddət ərzində vətəndaşlara kredit ödəmələri gecikməsinə görə cəriməni tətbiq etməsinlər”- deputat deyib. (azxeber.com)