Sfera.az bildirir ki, model son zamanlar qarın əzələləri ilə bağlı fikir bildirənlərə reaksiya verib. Emili bədəninə görə onu utandırmağa çalışanlara baş əyməyəcəyini bildirib. 

Ötən həftələrdə tədbirlərin birində çəkdirdiyi fotosunu sosial media hesabından paylaşan model düşüncələrini bu cür ifadə edib: "Şəkilləri az qala paylaşmayacaqdım, çünki bunun səs-küyə səbəb olacağını bilirdim. Amma bu mənim bədənimdir və məni utandırmağa çalışanlara baş əyməyəcəm”.

Qeyd edək ki, Sebastian Mikklardla evlənən və mart ayında ana olan 30 yaşlı Emili doğuşdan dərhal sonra əvvəlki formasına qayıtmışdı. Model qarın əzələlərinin sərgiləndiyi fotolarını paylaşmış və izləyicilərinin tənqidinə məruz qalmışdı. Belə ki, bəziləri "əzələ yaratmaq” işini şişirtdiyini bildirmiş, bəziləri isə, gözəl göründüyünü demişdi. Onun fotosuna şərh yazan izləyicilərdən biri "Necə yəni, bu vücud qısa müddət əvvəl doğuş edən birinəmi aiddir?”, - deyərək modeli özündən çıxarmışdı.

Xatırladaq ki, Ratakovski bundan öncə, təcavüz hadisəsi ilə gündəmə gəlmişdi. O, ötən il fotoqrafçılardan birinin cinsi istismarına məruz qaldığını etiraf etmişdi.