Uzun illərdir ki, Fövqəladə Hallar Nazirliyinin Qaynar xətt xidməti - ”112 zəng xidməti” mövcuddur. Yanğınlar zamanı, müxtəlif qəzalar, ağır yol-qəza hadisələri, xilasetmə hallarında , köməksiz vəziyyətdə qaldıqda və s. hallarda bu xidmətdən kömək istənilir. Maraqlıdır ki, indiyədək də bu xidmətin mobil versiyasını hazırlaya bilməyiblər. Bildiyim qədər FHN bir neçə dəfə belə bir mobil xidmətin hazırlanacağı haqqında məlumatlar vermişdi. Lakin göründüyü kimi nəticə ortada yoxdur . Bu nəhənglikdə Nazirliyin belə faydalı və ehtiyac olan resursu hazırlaya bilməməsi təəccüblü və düşündürücüdür".
 
Yeri gəlmişkən, bütün bunlar həm də onu göstərir ki, elektron hökumət quruculuğuna cavabdeh olan  Vətəndaşlara Xidmət və Sosial İnnovasiyalar üzrə Dövlət  Agentliyinin Elektron Hökumətin İnkişafı Mərkəzinin də mobil hökumət quruculuğu sahəsindəki fəaliyyəti qənaətbəxş deyil. Müxtəlif xidmət sahələrində mobil həllərin hazırlanmasına, kordinasiya və inteqrasiya məslələrinə diqqət artırılmalıdır. Hazırda pərakəndə formada, bir neçə portalda olan  olan eGov xidmətlərin vahid bir mərkəzə toplanması, mobil həllərə inteqarsiyası sürətlənməlidir. Xeyli müddət keçməsinə baxmayaraq   myGov resursu hələ də təkmil formaya gətirilməyib. Düşünürəm ki, EHİM və yuxarıda adı çəkilən qurumlar birlikdə tez bir zamanda mobil həllər sahəsində fəaliyyəti canlandrımalıdırlar".