Braziliyada ötən sutka ərzində yeni növ koronavirusa 42 725 nəfər yoluxub. Beləliklə, bu ölkədə koronavirusa yoluxanların sayı 1,192,474-ə çatıb. 53874 nəfər Covid-19 səbəbindən dünyasını dəyişib. Onlardan 118-i tibb bacısıdır.

 Lakin bütün bunlara baxmayaraq Braziliyada karantin rejimi tətbiq olunmayıb. Braziliyada keçirilən karnavaldan bir gün sonra, fevralın 26-da ilk dəfə COVİD-19 infeksiyasına yoluxma halı təsdiqlənib. Koronavirusu ciddi qəbul etməyən ölkə başçısı Jair Bolsonaro bir müddət əvvəl sosial izolyasiya tədbirlərinin keçirilməsinə etiraz məqsədi ilə təşkil olunan aksiyada iştirak edib. O, həmçinin xalqa "evdə qal" çağırışı edən səhiyyə naziri Luiz Henrique Mandetta-nı işdən qovub.