Bu ölkədə hökumət hamiləlik əleyhinə həb əvəzinə görün nə payladı - Onlarla qadın hamilə qaldı
Dünya
11:45 / 08.04.2021
947
Cənubi Amerika ölkəsi olan Çilidə hökumət əhalinin sayını artırmaq üçün inanılmaz addım atıb.
Sfera.az xəbər verir ki, bu barədə yayılan iddialara görə, hökumət bunun üçün hamiləlik əleyhinə həb əvəzinə şəkər həbi (placebo) paylayıb. Bu səbəblə ötən ildən bu günə qədər 150 qadın plansız şəkildə hamilə qalıb. Bu da qadınların etirazına səbəb olub.
Məlumata görə, ötən ilin avqust ayında 276 min 890 paket doğuşa nəzarət həbi satışdan yığışdırılıb. Məlum olub ki, "Anulette CD" adlı həmin həblər hamiləlik əleyhinə kontraseptiv yox, şəkər həbləridir.
Çilidə əksər Latın Amerikası ölkələrində olduğu kimi abort etmək qadağandır. Belə ki, təcavüzə məruz qalmadığın və ya həyati təhlükə mövcud olmadığı halda abort edə bilməzsən. Bu səbəbdən qeyd edilir ki, hamilə qalan qadınlar çıxılmaz vəziyyətdə qalıblar. Onların bir qismi həyatını təhlükəyə ataraq gizli aborta gediblər.
Qeyd edək ki, məsələ ilə bağlı mütəxəssislər araşdırmalara başlayıblar. "Corporacion Miles” adlı qeyri-hökumət təşkilatı da bu istiqamətdə rəsmi araşdırma tələb edib.
Hələlik, nə hökumət, nə də həbləri istehsal edən şirkət məsuliyyəti öz üzərinə götürür. Onlar baş verənlərdə bir-birilərini günahlandırırlar. Ancaq istehsalçı şirkət keyfiyyət problemləri əsas gətirilərək 92 min dollar cərimələnib.
Türkan
Sfera.az