"İcbari tibbi sığorta zərfində olan xidmətlərin
sayını 2022-ci ildə iki dəfə artırsaq, əhali üçün daha yaxşı olar".
Sfera.az xəbər verir ki, bu təkliflə Milli Məclisin
Səhiyyə Komitəsinin sədri Əhliman Əmiraslanov çıxış edib. Deputat növbəti il üçün
səhiyyə xidmətinə ayrılan xərclərdən də danışıb:
"2022-ci ildə büdcəmizdə nəzərdə tutulan
səhiyyə xərcləri müstəqillik dövrünün ən böyük səhiyyə xərcləridir. Yəni ötən
illə müqayisdə səhiyyə xərcləri 7.1 % artırılaraq 1 milyard 789 milyon manata
çatdırılıb. Beləliklə, Azərbaycan büdcəsində səhiyyə xərclərinin xüsusi çəkisi
6 %-ə qaldırılıb. Bu, çox ciddi rəqəmdir. Səhiyyə xərcləri ilə bağlı son illərin
dinamikasına baxsaq, görərik ki, Azərbaycanda səhiyyə xərcləri 2.5 dəfə artıb.
Bu xərclər icbari tibbi sığorta, pandemiya və səhiyyənin digər sahələrinə
ayrılıb. Çox təəssüf olsun ki, tibb elminin tədqiqatı üçün ayrılan xərclər çox
azdır".
Əzizə