Sfera.az bildirir ki, ilin birinci yarısında aqrar məhsulların ixrac dəyəri 439,2 milyon dollar olub. Ötən ilin eyni dövrü ilə müqayisədə ixracda 10,5 faiz artım var.

 

Bu il ixracdakı artım birməmalı olaraq pambıq ixracının kəskin artması hesabına təmin edilib. Belə ki, pambıq mahlıcının ixrac dəyəri 63,3 milyon dollar artaraq 121,9 milyon dollara çatıb.

 

Pambıqla bərabər meyvə ixracı 10 milyon dollar, gön-dəri ixracı 1 milyon dollar artıb.

Azərbaycanın kənd təsərrüfatı mallarının ixracında əsas məhsul olan tərəvəzin ixrac dəyəri isə 15,3 faiz azalıb. Azalmanın dəyəri 31,9 milyon dollar olub.

 

Tərəvəz ixracında azalma pomidor ixracının 38,7 milyon dollar azalması ilə bağlıdır. Digər tərəfəz növlərində ixrac artsa da pomidor ixracının kəskin azalması ümumən tərəvəz ixracında azalmaya səbəb olub.

 

Pomidor ixracındakı azalmanı nəzərə almasaq, bu il Azərbaycan aqrar məhsulların ixracında yaxşı nəticə əldə edir. Bu dinamika ilin sonuna qədər qalarsa, ixracımız 800 milyon dolları ötəcək.

 

 

Vasif