"Ağstafa, Neftçala və Biləsuvar. Görəsən daha nə olmalıdır ki, nəticə çıxarsınlar?”

Sfera.az xəbər verir ki, bunu Yaşıllar Hərəkatının lideri, sabiq millət vəkili Ceyhun Osmanlı Dövlət Təhlükəsizlik Xidmətinin (DTX) Biləsuvar rayonunda həyata keçirdiyi əməliyyatı şərh edərkən deyib.

Sabiq millət vəkili Ağstafa və Neftçala rayonlarının ardınca Biləsuvar rayon icra hakimiyyətinin başçısının da saxlanmasına münasibət bildirərkən baş verənlərin digərləri üçün siqnal olduğunu vurğulayıb:

"Varlanmağın yolunu rayonun büdcəsini xərcləməkdə görən, hər bir müraciətçiyə öz potensial müştərisi kimi baxan, rayonun iş adamlarına öz nökəri kimi yanaşan, rayonun təhsil, səhiyyə, melyorasiya və s. kimi strukturlarına öz ortağı kimi baxan, rayona investisiya cəlb edə bilməyən, bunun əksinə investorları rayondan qaçırdan bütün icra başçılarının gec vəya tez növbələri çatacaq. Bu tip icra başçıları dövlətin və ölkə rəhbərliyin düşmənləridir”.