Bu gün əlavə buraxılış imtahanı keçirildi

Bu gün əlavə buraxılış imtahanı keçirildi
Dövlət İmtahan Mərkəzi 2021-ci ildə keçirilmiş buraxılış imtahanlarında üzrlü səbəbdən iştirak edə bilməyən 9-cu və 11-ci sinif şagirdləri, o cümlədən eksternat qaydasında imtahan verənlər üçün sentyabrın 9-da əlavə imtahan keçirib.

Mərkəzdən Sfera.az-a verilən xəbərə görə, bundan başqa, Azərbaycan dili (dövlət dili kimi) imtahanlarında iştirak edə bilməyən şagirdlər də qeyd olunan imtahanı veriblər.

İmtahanlar Bakı, Naxçıvan, Gəncə, Şəki, Bərdə, Göyçay, Şirvan, Lənkəran, Xaçmaz şəhərlərində təşkil olunub.

İmtahanların idarə olunması üçün 22 imtahan rəhbəri, 10 ümumi imtahan rəhbəri, 166 nəzarətçi-müəllim, 20 buraxılış rejimi (mühafizə) əməkdaşı, 10 bina nümayəndəsi ayrılıb.

Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib. İmtahan binasına buraxılış rejiminin növbə ilə – lazımi sosial məsafəni gözləməklə təşkil edilməsinə nail olunub.

İmtahan binasına daxil olan iştirakçıların məsafədən ölçə bilən elektron termometrlə bədən hərarətləri yoxlanılıb, zəruri dezinfeksiyaedici vasitələrdən istifadə olunub.

Bu gündən etibarən DİM-də imtahan protokolları, cavab vərəqləri və kartlarının emalı aparılacaq. 9-cu sinif təhsil səviyyəsi üzrə buraxılış imtahanı və Azərbaycan dili imtahanının nəticələri yaxın 2 gün ərzində, 11-ci sinif təhsil səviyyəsi üzrə buraxılış imtahanının nəticələrinin isə açıq tipli tapşırıqların yoxlanılmasına görə yaxın 5 gün ərzində elan olunması nəzərdə tutulur.


Sehliyali
Turan Bank

OXŞAR XƏBƏRLƏR

Əliyev şəhidlərin xatirəsi önündə dünyaya bu mesajları verdi – BAKI HÜCUMDA OYNAYIR

"Müharibənin ildönümündə hələ də Qarabağla bağlı təhdidlər, risklər mövcuddur. Prezident İlham Əliyev Anım Günündə bu təhdidlərlə bağlı Azərbaycanın mövqeyini...

Prezidentdən kəskin MESAJ: “Səbrimizin müddəti var”

"Ermənistan 10 noyabr bəyannaməsinin şərtlərini kobudcasına pozur”.   Sfera.az bildirir ki, bunu Prezident İlham Əliyev "Anadolu agentliyi"nə müsahibəsi ...

Prezidentdən Ermənistana növbəti XƏBƏRDARLIQ

"Şəhidlərimizin anım günündə bir daha demək istəyirəm əgər biz görsək erməni faşizmi baş qaldırıb yeni təhlükə mənbəyi yaranırsa, heç tərəddüd etmədən erməni fa...

Yoluxanların bu günə olan statistikası AÇIQLANDI

Azərbaycanda bu gün koronavirus infeksiyasına 1029 yeni yoluxma faktı qeydə alınıb, 2680 nəfər müalicə olunaraq sağalıb və evə buraxılıb. Sfera.az xəbər v...

"Bolt" sürücüləri Bakıda etiraz aksiyası keçirdi – “Xəzər” Tv-nin qarşısına toplaşdılar + FOTO

"Bolt" şirkəti ilə əməkdaşlıq edən taksi sürücüləri bu gün Bakıda etiraz aksiyası keçirib. Sfera.az-ın hadisə yerində olan əməkdaşının sözlərinə görə,...

Rusiya MN-nin paylaşdığı yeni xəritə nəyə işarədir? – “Delimitasiya zamanı bu ərazilər də Azərbaycana VERİLƏCƏK”

"Uzun zamandan sonra Rusiya Müdafiə Nazirliyi fərqli bir xəritə yayımlayıb. Bu xəritədə "Dağlıq Qarabağ" sərhədləri silinib və Azərbaycan ərazisinə daxil edilib...