11 yanvar tarixində baş tutmuş üçtərəfli görüş və müştərək bəyanat növbəti dəfə mövqeyimizi təsdiqlədi - Nikol Paşinyan Ermənistanın maraqlarını madafiə etmək iqtidarında deyil.

Sfera.az erməni mətbuatına istinadla bu barədə müxalifətin baş nazirliyə vahid namizədi Vazgen Manukyan bildirib.

"Moskvada keçirilən üçtərəfli görüş ictimai və siyasi dairələrdə narahatlığa səbəb olub. Ermənistan hərbi əsirlər məsələsində müsbət nəticə əldə etmədi, Bu, Ermənistan üçün növbəti biabırçı məğlubiyyətdir”.

Manukyan bildirib ki, noyabrın 9-da Azərbaycan xəyallarında olduğundan daha çox şey əldə etdi: "Bu müddət ərzində Bakı öz xeyrinə bu bəyanatın müəyyən müddəalarını pozdu: birinci bənd (... tərəflər tutduqları mövqelərdə qalır) və səkkizinci bənd (...əsirlərin, girovların və meyitlərin mübadiləsi). Özü də bütün bunlar Nikol Paşinyanın köməyi və hərəkətsizliyi ilə baş verdi.

Yanvar 11-də Moskvada Əliyev Azərbaycan üçün böyük strateji əhəmiyyətə malik 9-cu bəndin (... iqtisadi və nəqliyyat əlaqələrinin açılır, Ermənistan Azərbaycanın qərb bölgələri və Naxçıvanla nəqliyyat əlaqələrinin təhlükəsizliyinə zəmanət verir) həyata keçirilməsini təsdiqlədi və təməlini qoydu. Şübhəsiz, Paşinyan hakimiyyətdə qalsa, sözügedən bəndin gələcək danışıqlar əsnasında reallaşdırılmasının nəticələri Azərbaycanı tam qane edəcək”.

Vazgen Manukyan daha sonra "Ermənistan 11 yanvar görüşündən nə əldə edə bilərdi, amma əldə etmədi?” sualını cavablandırıb:

"Azərbaycanın xeyrinə pozulan və Sünikin taleyini təhlükəyə atan 1-ci bəndin müzakirəsini aparmaq lazım idi. Münaqişənin ATƏT-in Minsk qrupu çərçivəsində həlli və Artsaxın statusu barədə heç bir açıqlama verilmədi, bu da böyük məğlubiyyətdir.

11 yanvar tarixli üçtərəfli görüş və birgə bəyanat mövqeyimizi bir daha təsdiqlədi - Nikol Paşinyan Ermənistanın və erməni xalqının maraqlarını müdafiə etmək iqtidarında deyil.

Məğlubiyyət simvolu dəf edilməlidir, əks təqdirdə itkilərimiz və aşağılanmağımız davam edəcək. "

Mənbə: News.am

Tərcümə: Selcan

Sfera.az