Bununla bağlı təhsil eksperti Kamran Əsədov Sfera.az-a açıqlamasında bildirib ki,  2011-ci ildə bağçalar Təhsil nazirliyindən alınıb icra hakimiyyətlərinə veriləndə mobilliyin, çevikliyin, maddi-texniki bazanın daha da yaxşılaşdırılması ən vacib məqam idi:

Bundan başqa dövlət büdcəsindən bağçada tərbiyə alan, iştirak edən hər bir uşaq üçün qida rasionu hazırlanır, amma təəssüf ki, bağçalarda monitorinq aparanda nizamnamədə və qanunvericilikdə nəzərdə tutulmuş həcmdə qidaların uşaqlara verilmədiyini görürük. Az qida verilir və ya ümumiyyətlə verilmir. Halbuki uşaqlar üçün müəyyənləşmiş menyuda kifayət qədər faydalı qidalar var – meyvəsindən tutmuş ətinə, südünə qədər. Buna baxmayaraq müvafiq qurumlar maliyyəni mənimsəyirlər və yekunda uşaqlar bütün günü bağçada ancaq şorba və ya evdən gətirdikləri yeməkləri yeyirlər. Bu da düzgün deyil. Bağçalara evdən, kənardan qida gətirilməməlidir”.

Müsahibimiz qeyd edib ki, hazırda bağçalarda şəffaflıq yoxdur: "Hesab edirəm ki, bağçalar ayrıca bir qurum yaradılaraq onun tabeliyinə verilməlidir. Həmin qurum da Təhsil nazirliyinə tabe olmalıdır. Necə ki,  diplomların tanınması ilə bağlı Keyfiyyət Təminatı Agentliyi, peşə təhsili ilə bağlı Peşə Təhsili Agentliyi var, eyni zamanda nazirliyə tabe Məktəbəqədər Uşaq Bağçaları İdarəsi yaradılmalıdır. Bütün bağçalar icra hakimiyyətlərindən alınaraq bu idarəyə tapşırılmalıdır. Çünki uşaq bağçaları əslində məktəbəqədər təhsil hesab olunur və təhsilin bir pilləsidir. Amma burda balans pozulub. Açıqlanan rəqəmlər ciddidir və bu hallar aradan qaldırılmalıdır”.

Qeyd edək ki, audit  01.01.2019-cu il tarixindən 01.01.2020-ci il tarixinədək dövrü əhatə etməklə, 2020-ci il 31 avqust tarixindən 30 sentyabr tarixinədək keçirilib.