Sfera.az bildirir ki, bunu Türkiyə prezidenti Rəcəp Tayyip Ərdoğan AK Partiyanın bu günkü toplantısında İsveç və Finlandiyanın NATO-ya üzv olması barədə çıxış edərkən deyib. O qeyd edib ki, NATO müttəfiqlərindən heç biri bu həssaslığa hörmət göstərməyib:

"Müttəfiqlərimiz NATO və Aİ-də hər cür ərköyünlük göstərən bəzi ölkələrə hədsiz dözüm nümayiş etdirdikləri halda, həssaslığımızı bölüşmədikləri göz qabağındadır. Bu o demək deyil ki, qarşımıza çıxan hər bir təklifə şübhəsiz "hə” deyəcəyik. PKK/YPG terror təşkilatını dəstəkləmək və bizdən NATO-ya üzvlük üçün dəstək istəmək, ən azı, tutarsızlıqdır. İsveçdən 30 terrorçunu istədik, verməyəcəyik dedilər. Siz terrorçularu verməyəcəksiniz, amma NATO-ya üzv olmağı xahiş edəcəksiniz. NATO-nu təhlükəsizlikdən məhrum etməyə "hə” deyə bilmərik”.

Türkiyə prezidenti yanlış addımın Yunanıstanın NATO-ya üzv olması ilə atıldığını da vurğulayıb:

"Yunanıstan və Fransa NATO-dan çıxmışdılar,  təəssüf ki, sonradan onların daxil olmasına "hə” dedik. Bazar ertəsi gəlmək istəyirlərmiş. Boş yerə yorulmasınlar, ehtiyac yoxdur. Münasibətimiz bəllidir.  Bizim heç kimin torpağında gözümüz yoxdur. Yeganə məqsədimiz ölkədə sabitliyi pozmağa yönəlmiş hərəkətləri kökündən kəsməkdir”.