“Bizə bildirildi ki, Rusiyanın müdafiə naziri belə sözlər deməyib” - İlham Əliyev

“Bizə bildirildi ki, Rusiyanın müdafiə naziri belə sözlər deməyib” - İlham Əliyev
"Bu məsələdən xəbərdar olduğumuzda dərhal Rusiya tərəfindən soruşduq, bu məsələnin nə olduğu ilə bağlı maraqlandıq. Lakin bizə məlumat verildi ki, erməni mətbuatında yayılan bu bəyanat həqiqəti əks etdirmir. Rusiyanın müdafiə naziri belə sözlər deməyib”.

Sfera.az  xəbər verir ki, bunu Azərbaycan Prezidenti İlham Əliyev Anadolu Agentliyinə müsahibəsində jurnalistin "Bu yaxınlarda Ermənistan və Rusiyanın müdafiə nazirləri arasında görüş oldu. Bu görüşdən sonra "Ermənistanı silahlandırmaq prosesi yenidən başladı” şəklində açıqlama verildi.  Bu açıqlama barədə nə düşünürsünüz? Bu silahlandırma prosesi bölgəyə necə təsir edə bilər? Yox olan Ermənistan ordusu indi yenidən rus silahları ilə ayağa qalxmağa çalışacaq? Bu mövzuda fikirlərinizi öyrənmək istərdim” sualına cavab verərkən deyib.

"Bu, Ermənistan təbliğatının çirkin əməlidir. Belə bir söz deyilməyib. Bizə rəsmi olaraq məlumat verildi ki, belə bir plan yoxdur. Ermənistan ordusunun yenidən pulsuz silahlandırılması ilə bağlı Rusiyadan kifayət edən cavab aldıq və bu məsələni gündəmdən çıxartdıq. Bu, Ermənistanın öz çirkin əməllərindən vaz keçmədiyini göstərir. Ortaya atılan bu yalan ilk olaraq çox böyük xətadır. Əgər sən Rusiya müdafiə nazirinin demədiyi sözləri yayırsansa, bu, ən azından məsuliyyətsizlikdir, təxribatdır.

İkincisi, biz bunu dəfələrcə işğal dövründə də, işğaldan sonra da gördük. Ermənistan və Rusiyada fəaliyyət göstərən erməni lobbisi hər gün Rusiya və Azərbaycan əlaqələrinə xələl gətirmək üçün çalışır. Hər gün, müntəzəm olaraq. Onların günlük işi Azərbaycana qara yaxmaq, Rusiya mətbuatında Azərbaycanla bağlı mənfi rəy yaratmaq, Rusiya-Azərbaycan münasibətlərinə kölgə salmaqdır. Onlar düşünürlər ki, bu halda qisasçı qüvvələr yenidən ayağa qalxıb bizə qarşı müharibəyə başlaya bilərlər. Lakin onlar yanılırlar. Birincisi, Rusiya-Azərbaycan münasibətləri kifayət qədər yüksək səviyyəli əlaqələrdir və biz bütün məsələləri prezidentlər, müdafiə nazirləri və xarici işlər nazirləri səviyyəsində açıq şəkildə müzakirə edirik. Hər hansı tərəfi narahat edən bir məsələ ilə bağlı dərhal əlaqə qururuq və bu məsələləri həll edirik. Bu gün deyə bilərəm ki, Rusiya-Azərbaycan münasibətlərində heç bir təcili mövzunun həlli ilə bağlı heç bir məsələ yoxdur. Çünki bu əlaqələr kifayət qədər müsbətdir. Ermənistanın bu təbliğat cəhdləri onlara uğur qazandırmayacaqdır. Ermənistanın yenidən silahlanması ilə bağlı narahatlığımız Rusiya tərəfindən anlayışla qarşılanır”, - deyə İlham Əliyev qeyd edib.
Sehliyali
Turan Bank

OXŞAR XƏBƏRLƏR

Sahibə Qafarova NATO nümayəndə heyəti ilə görüşdü

Milli Məclisin sədri Sahibə Qafarova NATO Baş katibinin siyasi və təhlükəsizlik məsələləri üzrə köməkçisinin müavini, Qafqaz və Mərkəzi Asiya üzrə xüsusi nümayə...

Bayramov BQXK-nın vitse-prezidenti ilə görüşdü

Azərbaycanın xarici işlər naziri Ceyhun Bayramov Beynəlxalq Qırmızı Xaç Komitəsinin (BQXK) vitse-prezidenti Qil Karbonyenin rəhbərlik etdiyi nümayəndə heyətini ...

Baş nazir QƏRAR İMZALADI

Nazilər Kabineti "Vahid büdcə təsnifatının təsdiq edilməsi barədə” 11 oktyabr 2018-ci il tarixli qərarında dəyişiklik edib. Sfera.az xəbər verir ki, bunun...

Aralıq dənizində Türkiyə-Azərbaycan-Pakistan təlimi olacaq?

"Türkiyə-Azərbaycan-Pakistan hərbçiləri Egey və Aralıq dənizdə hərbi təlim keçirə bilər. Burada təəccüblü bir şey yoxdur. Nəzərinizə çatdırım ki, bundan öncə ...

“Yaxın zamanlarda gözlənilmir...” – Zərdüşt Əlizadə sülh müqaviləsinin ləngiyəcəyini düşünür

Artıq bir müddətdir ki, Ermənistanda Rusiya əleyhinə etiraz aksiyaları başlayıb. Ermənilər Putini təhqir edir, rusofob şüarlar səsləndirirlər, yerli polis isə...

Türkiyənin Milli Müdafiə Nazirliyi Azərbaycanı təbrik etdi

Türkiyənin Milli Müdafiə Nazirliyi Azərbaycanı Müstəqilliyin Bərpası Günü münasibətilə təbrik edib. Sfera.az  bu barədə nazirliyin "Twitter" səhifəsi...