No Image
No Image

"Biz sufrajistkalar kimi meydanlarda qan tökdükmü?" - İradə İsak 8 Martdan yazdı

"8 martı niyə sevmirik? Ümumən milli olmayan bayram bizə lazımdırmı? Bəs siz bu planetin adamları deyilsiniz ki, həzərat? Elə bütün bayramlar milli, dini olmalıdır? Bəs dünya ilə həmrəy olmayaqmı? Axı biz bir Kürənin övladlarıyıq, heç olmasa, hansısa günlər”.

Sfera.az xəbər verir ki, bunu tanınmış jurnalist İradə İsak deyib.
 
O, Beynəlxalq Qadınlar Gününün niyə sevilmədiyini bu cür izah edib:

"İlk səsvermə hüququ Azərbaycan qadınına verilib, təhsil hüququ və s. Amma hamısı verilib, heç biri alınmayıb. Qadınlarımız burda da hər şeyi elə o "mişka” hədiyyəsi kimi alıb. Biz Londondakı sufrajistkalar kimi meydanlarda qan tökdükmü? Bizim bir qadın kimi küllən ictimai-siyasi mövqeyimiz, etiraz və narazılığımız oldumu? Olanlara feminist, əxlaqsız damğasını çoxdan vurmuşuq. Bununla rahatlayırıq.

8 Martın fəlsəfəsi var. O, qadınlar bayramı deyil. Bu əməkçi, işçi qadınlar günüdür. Öz haqqı üçün döyüşənlərin, zorakılıq əleyhinə səsini qaldıranların, 16 saatlıq iş rejiminə etiraz edib qanı Avropanın küçələrinə tökülən, həbs edilən qadınların. Bu gün 8 saat o qadınlara görə işləyirik. Bu gün "dekret"ə rahatca o qadınlara görə çıxırıq. Bircə Cəfərin Sevili sadəcə ədəbi obraz olaraq nələrsə edə bildi. O da ədəbi qəhrəmandı. Qalan biz, hələ də dolanışığı yaxşı olan hansısa bir qadın etiraz edəndə vəziyyəti anlamayan adamlarıq. Niyə də niyə? Axı nəyi çatmır?”

Jurnalist qeyd edib ki, 8 Mart azadlığın bayramıdır: 

"Çoxumuzun evindəki qadın çoxdan sevdiyi deyil. Uşaqlara xatir saxlayırlar onları. Paltarını yusun deyə, ütüləsin, yeməyini bişirsin deyə. Bilməmişdik, hələ beləsinə hədiyyə də almalıyıq. Eləmi? "Sevinsin ki, hələ bunun üzünə baxıram" deyə düşününlər indi də az deyil. Biz 8 Martı "müəllimlərə hədiyyə günü" edəndə uşaq ikən beynimizdə yıxdıq bu bayramın evini. Hərə öz qadınına dönməli ikən, biz harda qadın gördük ora çevirdik üzümüzü.  8 Mart azadlığın bayramıdır. 1975-ci ildə elə-belə Ümumdünya bayramı adlanmadı. Hərçənd biz bu planetdə yaşadığımızdan da o qədər əmin deyilik. Fəlsəfəni çiçəyə, böcəyə çevirəndə belə olur.”.

İ.İsakın sözlərinə görə, hər 8 Mart bir aksiya etmək olar: 

"Nə gözəl də etmişdilər. Qadınların təhsilsizliyi əleyhinə "mənə kitab hədiyyə et" demişdilər. Hətta ən ziyalımız o aksiyanı ələ saldı. Bu mart kaş erkən nikahlara qarşı aksiya aparılsa. "Məni məktəbə apar” desə qızlar. "Mişka”, ətir havasından çıxsaq, o mübariz qadınların haqqını versək.  Onda kişilər də daha ciddi baxar bizə. Solan gülün ömrünə çevirməz günümüzü”.

"Dünyada cəmi bir gününüz var. Qeyd edin, işıq üçün, ziya üçün, mübarizə üçün. O ətirin yüzü sizin bir günlük əziyyətinizə dəyməz. Hədiyyələrin ən gözəli sizsiniz. Unutmayın, unutdurmayın”, - deyə, jurnalist sözlərini bitirib.

Günay
Sfera.az

Turan Bank

OXŞAR XƏBƏRLƏR

Həsənovun vəziyyəti pisləşdi: Prezidentə müraciət edildi

Keçmiş Baş prokuror, Azərbaycanın Serbiya, Monteneqro, Bosniya və Herseqovinada səfiri olmuş Eldar Həsənovun vəkilləri Prezident İlham Əliyevə açıq müraciət ünv...

"Şuşa və Kəlbəcərə giriş pullu olsun" - Sabiq deputat

"Deyilənə görə, "Zəfər parkı"na giriş pulludur - 2 manata. Olsun, lap yaxşı. Ümidvaram ki,ən azından məktəblilər üçün pulsuz olacaq”. Sfera.az xəbər ve...

“Bu ixtisası seçənlər kimyadan imtahan verməməlidir" - Ekspertdən ETİRAZ

"Azərbaycanın rəqəmsal dünyasının ən absurd qərarlarından biri: İnformatika müəllimliyi ixtisasını seçənlər informatikadan deyil, kimyadan qəbul imtahanı verməl...

“Yoldaşımı 4 saat müddətində qəbul otağında saxlayıb...” – Gəncə RİH-dən şikayət

Gəncədə İcra başçısının 1-ci müavini Səməd Tomuyevlə bağlı vəzifədən sui-istifadə etməsilə bağlı iddia irəli sürülüb. Sfera.az-ın məlumatına görə, bu ba...

"Toy edənləri cəzalandırmaq kimi prinsipimiz yoxdur" - DİN

"Nazirlər Kabineti yanında Operativ Qərargahın təyin etdiyi qərarda Daxili İşlər Nazirliyinin üzərinə hansı vəzifələr düşürsə, biz onu icra edirik". Sf...

Təhsil naziri icra başçısının müavininə vəzifə verdi - FOTO

Şəmkir rayon İcra Hakimiyyəti başçısı Alimpaşa Məmmədovun birinci müavini Qüdrət Əliyev Şəmkir rayon Təhsil Şöbəsinin müdiri vəzifəsinə təyin olunub. Sfer...