Bu cür ciddi rejimin hesabına azalan yoluxma sayı karantinin yumşalmasına səbəbiyyət verdi. Lakin, vəziyyətdən düzgün istifadə etməyi bacarmayanların sayı heç də az deyil. Buna görə koronavirusun yayılmasının məhdudlaşdırılması üçün Azərbaycanda həftəsonu (şənbə və bazar) tam qapanma baş tutacaq.

Bu çətin günlərdə tibb işcilərinin əziyyətlərini də gözardı etmək olmaz. Bizlər sadəcə özümüzü qorumağa çalışarkən, onlar bizləri qorumağa çalışırlar. Onların əziyyətlərinə "təşəkkür” ilə yanaşı öz ehtiyatlı davranışlarımızla da qarşılıq verə bilərik.

Vacib olmadıqca evdən çıxmamaq, çıxdıqda isə tibbi maskadan istifadə etmək vacibdir. Prezident İlham Əliyevin 03.06.2020-ci il tarixdə Tərtərdə Dövlət Rəmzləri Muzeyinin açılışında iştirak edərkən maskadan istifadə etməsi hər bir Azərbaycan vətəndaşı üçün nümunə olmalıdır.

Evdə istər əyləncəli, istərsə də maarifləndirici işlə məşğul ola bilərik. Yeni hobbilər tapa bilərik. Zənnimcə, kitab oxumaq, film izləmək, ailəmizlə vaxt keçirmək üçün heç də evdən çıxmağa ehtiyac yoxdur, elə deyil? Bir çox könüllü layihələrinə qoşularaq da evdə səmərəli vaxt keçirə bilərik.

Hər  bir vətəndaş öz şəxsi məsuliyyətini hiss etməli, Operativ Qərargahın tələb və tövsiyələrinə riayət etməlidir.