No Image
No Image

“Bir çox ölkələrdə nəinki 2, hətta 6-7 arvad almağa icazə var”

“Bir çox ölkələrdə nəinki 2, hətta 6-7 arvad almağa icazə var”

"İndi bu adam bir söz deyib. Amma izah eləməlidir ki, nəyə görə Azərbaycanda çoxarvadlılıq olmalıdır”. 

Sfera.az xəbər verir ki, bu sözləri Cebhe.info-ya açıqlamasında Azərbaycan Demokrat Partiyasının (ADP) sədri Sərdar Cəlaloğlu Milli Elmlər Akademiyasının Memarlıq və İncəsənət İnstitutunun fəlsəfə doktoru Sabir Tağıyevin ikiarvadlılığı dəstəkləməsi məsələsinə münasibət bildirərkən deyib.

O bildirib ki, əgər Azərbaycanda qadınlar kişilərdən çoxdursa, demoqrafik prosesi tənzimləmək üçün bu mümkündür:

"Amma son illər Azərbaycanda erkən cinsiyyətin məlum olmasına görə qız uşaqlarının dünyaya gəlməsinə imkan vermədilər. Əksinə, Azərbaycanda kişilərin sayı qadınlara nisbətən artıb. Ona görə də artıq burada ikiarvadlılıqdan söhbət gedə bilməz. Yəni gərək bu məsələni demoqrafiq proseslərlə əsaslandıraq”.

Partiya sədrinin sözlərinə görə, "Qurani-Kərim”in ayələrində kişiyə müəyyən şərtlər əsasında birdən çox qadınla evlənməyin halal olduğu göstərilir: 

""Nisa” surəsində ikinci, üçüncü və dördüncü arvad almaqla bağlı ayə var. Orada söhbət ondan gedir ki, əgər birinci arvad qadın kimi funksiyalarını yerinə yetirə bilmirsə, yalnız o halda icazə verilir ki, ikinci arvadla evlənəsən. Bir kişinin arvadı xəstədirsə, sonsuzdursa, yaxud təsərrüfat idarə edə bilmirsə, Allah-Taala o kişiyə icazə verir ki, birinci arvadının razılığı ilə başqa bir qadınla evlənsin. İslam bu məsələni belə izah edir. Dünyəvi qanunda bir çox ölkələrdə nəinki 2, hətta 6-7 arvad almağa icazə var. Bu hal qadının çox, kişinin az olduğu ölkələrdədir. Məsələn, Tibetdə əksinədir. Bir qadın rəsmən 7 kişiyə ərə gedir. Orada da qadınların sayı kişilərdən azdır. Cəmiyyətdə cinslərarası proporsiya pozulanda bu cür yollarla həmin qaydanı tənzimləyirlər ki, sosial neqativ hallar olmasın”. 

Qeyd edək ki, Azərbaycan Milli Elmlər Akademiyasının Memarlıq və İncəsənət İnstitutunun böyük elmi işçisi, fəlsəfə doktoru Sabir Tağıyevin "Xəzər” TV-də yayımlanan "Səni axtarıram” verilişində çoxarvadlılıqla bağlı səsləndirdiyi fikirlər qalmaqala səbəb olub. Belə ki, sözügedən verilişdə ikiarvadlılıq mövzusu ətrafında söhbət açılıb. Alim özünün də ikinci arvaddan doğulan övlad olduğunu önə çəkərək çoxarvadlılığı dəstəkləyib. Bu isə tamaşaçılar tərəfindən etirazla qarşılanıb. Məsələ ictimaiyyətdə ciddi müzakirəyə səbəb olub. 


Turan Bank

OXŞAR XƏBƏRLƏR

“Biz təkcə yeddi rayonu yox, daha çox ərazini azad etmişik” - Prezident

"Əlbəttə ki, biz dövlət müstəqilliyini əldə edəndə, - mən bu məsələ ilə bağlı öz fikirlərimi bildirdim, - müstəqilliyimiz şərti xarakter daşıyırdı. Müstəqillikd...

YAP-ın Təftiş Komissiyasının yeni tərkibi - SİYAHI

Bu gün Yeni Azərbaycan Partiyasının (YAP) VII qurultayında partiyanın yeni Təftiş Komissiyasının tərkibi müəyyənləşib. Sfera.az xəbər verir ki, YAP-ın Təf...

YAP-ın Veteranlar Şurasının yeni tərkibi - SİYAHI

Bu gün YAP-ın VII qurultayında partiyanın Veteranlar Şurasına da yeni üzvlər seçilib. Sfera.az xəbər verir ki, yeni şurada 35 partiya üzvü yer alıb. ...

Prezident Tofiq Nağıyevi “Şərəf” ordeni ilə təltif etdi

Azərbaycan Prezidenti İlham Əliyev Tofiq Nağıyevin "Şərəf” ordeni ilə təltif edilməsi haqqında sərəncam imzalayıb. Sfera.az xəbər verir ki, sərəncamda dey...

Prezidentin YAP-ın qurultayındakı çıxışı - TAM MƏTN

Martın 5-də Yeni Azərbaycan Partiyasının VII qurultayı keçirilib. Sfera.az xəbər verir ki, Azərbaycan Prezidenti, Yeni Azərbaycan Partiyasının Sədri İlham...

Prezident: Hazırlıq aparılmasaydı, Qarabağ müharibəsində...

İndi Ermənistan təcrid edilmiş vəziyyətdədir. Biz bütün qonşularla çox səmərəli, dostluq və mehriban qonşuluq əsasında münasibətlər qurduq və bu da bir hazırlıq...