No Image
No Image

Beynəlxalq Valyuta Fondundan Azərbaycanla bağlı proqnoz: Pul kütləsində yeni rekord səviyyə...

Beynəlxalq Valyuta Fondundan Azərbaycanla bağlı proqnoz: Pul kütləsində yeni rekord səviyyə...
Beynəlxalq Valyuta Fondu (BVF) Azərbaycanda geniş mənada pul kütləsinin bu ilin sonunda 31,11 milyard manata yüksələcəyini proqnozlaşdırır. BVF-nin gözləntiləri özünü doğruldarsa, geniş mənada pul kütləsinin həcmindəki illik artım 2 milyard manatı və ya 6,5 faizi ötəcək. 

2020-ci ilin sonunda Azərbaycanda geniş pul kütləsinin həcmi 1,1% artaraq 29,186 milyard manat təşkil edib. Amma 2021-ci ilin yanvar və fevralında pul kütləsi azalaraq 28,578 milyard manata düşüb. 

BVF proqnozlaşdırır ki, ilin ikinci yarısında pul kütləsi artaraq yeni rekord səviyyə çatacaq. İndiyə qədər pul kütləsinin həcmində rekord göstərici 2020-ci ilin dekabrına aiddir. Həmin tarixdə Azərbaycanda 29,186 milyard manat pul olub. 

Sfera.az xatırladır ki, geniş mənada pul kütləsinin ötən il artması daha çox xalis xarici aktivlərin artması ilə bağlı olub. Daxili aktivlər isə əksinə azaldıcı təsir göstərib. 2020-ci ildə xarici aktivlər 8,8 faiz artıb, xalis daxili aktivlər 10,4 faiz azalıb. Xalis xarici aktivlərin artması ölkənin aktivləri ilə öhdəlikləri arasında fərqin böyüməsi hesabına baş verir. 

2021-ci ildə də eyni dinamikanın qalması gözlənilir. Amma xarici amillərlə bərabər daxili amillərin də pul kütləsinin həcmini artıracağı proqnozlaşdırılır. 

Ötən ilin sonunda pul kütləsinin 71 faizi manatla olub və manatla pul 11,3 faiz artıb. Manatla pul kütləsinin strukturunda dövriyyədə olan nağd pul, tələb olunana kimi əmanət və depozitlər və müddətli əmanət və depozitlər fərqli dinamika nümayiş etdirib. 2020-ci ildə geniş mənada pul kütləsinin tərkibinə daxil olan nağd pul
kütləsi 13,4%, manatla tələb olunanadək əmanət və depozitlər 20,3% artıb, müddətli əmanət və depozitlər isə 14,1% azalıb. 

2021-ci ildə müddətli əmanətlərin həcmində artım müşahidə edilir. Bu da ümumən əmanətlərdə artımı dəstəkləyir. Bundan başqa cari ildə istehsalın, mal dövriyyəsinin həcminin artması da gözlənilir. Dövriyyə artıqda pul kütləsində artım paralel baş verir. Pul kütləsinin dəyişdirilməsi də öz növbəsində istehsalın həcminə təsir edir. Belə ki, pul kütləsi artdıqda nominal istehsal həcmini artırır. 

Bu il kredit qoyuluşu da artır. Kreditlərin artması pul kütləsinin həcminin genişlənməsinə şərait yaradacaq. 

Lakin qeyd edək ki, istənilən halda pul kütləsinin artması idarə edilən proses olacaq. Əks təqdirdə artan pul inflyasiyanı nəzərdə tutulandan çox yüksəldə bilər. Pul kütləsi ilə qiymətlər səviyyəsi arasındakı bu cür asılılıq onun tənzimlənməsini, daha çox artımının qarşısının alınmasını zəruri edir. 

Vasif
Sfera.az

Sehliyali
Turan Bank

OXŞAR XƏBƏRLƏR

Türkiyə ilə ticarət əməliyyatlarının həcmi 5 milyard dollara çatacaq

Azərbaycan ilə Türkiyə arasında imzalanan Şuşa Bəyannaməsində nəzərdə tutulan mühüm əməkdaşlıq sahələrindən biri də ticarət-iqtisadi münasibətlərin inkişafı ilə...

“Türkiyədən corab-tuman almaqdansa, birgə müəssisələr quraq” – İqtisadçıdan etiraz

"Türkiyədən idxalın artması ölkədən daha çox valyutanın çıxması deməkdir. Bu isə manata basqıların artması ilə nəticələnəcək. Lirə zatən ucuzdur, ucuzlaşması ...

İdxal edilən avtomobillərin sayı kəskin artıb – “İkinci əl” və ucuz...

2021-ci ildə ölkəmizə avtomobil idxalında artım davam edir. Sfera.az gömrük məlumatlarına istinadən xəbər verir ki, ilk 5 ay ərzində xaricdən 31 220 ədəd ...

Şuşa görüşündən sonra Azərbaycan-Türkiyə ticarəti üçün yeni perspektivlər açılacaq

Azərbaycanla Türkiyə arasında münasibətlərin dərinləşməsi özünü iqtisadi sahədə də göstərir. Ölkəmizə səfərə gələn Türkiyə Prezidenti Rəcəb Tayyib Ərdoğanla Pre...

Neftin qiyməti yüksəlməyə davam edir – “OPEC+” razılaşmasına dəyişiklik ediləcək?

2021-ci ilin mayın 22-dən neft qiymətlərində yüksəliş müşahidə edilir. Qeyd edilən tarixdə dəyəri 64,8 dollar olan "Brent” markalı neftin qiyməti bu gün 73 d...

Hansı ölkələrin “Zəngəzur dəhlizi”ndə iqtisadi maraqları var?

""Zəngəzur dəhlizi” təkcə Naxçıvanla Azərbaycanın qalan bölgələri arasında nəqliyyat imkanlarının açılması deyil, bütövlükdə Xəzər və Aralıq dənizi hövzələrinin...