Bəs, uşaqlar koronavirusdan ölmürdü? – Pediatr Sumqayıtdakı məktəbli ölümündən danışdı
12:09 / 13.10.2021
1414
Yusif Məmmədəliyev adına Sumqayıt şəhər 31 nömrəli tam orta məktəbin 9 b sinif şagirdi Əsgərov Kamil İslam oğlunun koronavirusa yoluxaraq ağırlaşması və dünyasını dəyişməsi müəyən
suallar yaradır. Belə ki, sözügedən virus infeksiyasının yayılmağa başladığı
ilk vaxtlardan mütəxəssislər uşaqların xəstəliyi yüngül keçirdiyini, əksər
hallarda isə ümumiyyətlə simptomların hiss edilmədiyini bildirilirdi.
Bəs, 14-15
yaşlı sağlam yeniyetmənin koronavirusdan ölməsinə səbəb nə ola bilər? Hansı
hallarda uşaqlarda koronavirusa yoluxmada ağırlaşma müşahidə edilə bilər?
Mövzu ilə
bağlı Sfera.az-a danışan pediatr Sevda Novruzova sağlam uşaqların da
koronavirusdan ölmə ehtimalının olduğunu deyib:
"Məktəblinin
koronavirusdan ölməsi təəccüblü deyil. Çünki hər hansı bir virus
infeksiyasının, o cümlədən qripin də ağırlaşması ölümlə nəticələnə bilər.
Koronavirus infeksiyasında da vəziyyət belədir. Valideynlər vaxtında həkimə
müraciət edib, uşaq üçün lazımı müalicə tədbirlərini görməyəndə vəziyyət belə
ola bilir. Dərslər ənənəvi formada başladıqdan sonra uşaqlarda müxtəlif növ kəskin
respirator viruslar müşahidə olunur. Çünki məktəblilər bir-biri ilə yaxın təmasda
olur, bu da yoluxmanı artırır”.
Pediatr
uşaqların koronavirus əleyhinə
vaksinasiyaya cəlb olunmasına da toxunub:
"Bəzən
valideynlər uşaqlar virusa yoluxduqdan sonra xəstəliyi ciddiyə almır. Düşünürlər
ki, tempratur düşər, adi xəstəlikdir, ötər və s. Lakin xəstəliyin üstünə
vaxtında düşmək lazımdır ki, ağırlaşma olmasın. Sağlam uşaq da koronavirusa
yoluxub, ağırlaşa bilər. Hazırda uşaqların peyvənd olunması ilə bağlı təkliflər
var. Valideynlər mənfi halların yaşanmaması üçün uşaqları peyvəndləmə prosesinə
cəlb etsə, yaxşı olar”.
Əzizə
Zeynal
