Sfera.az bildirir ki, bunu ektrasens Bayram Nurlu ötən gün zəhərlənərək ölən bacısı oğlundan danışarkən deyib. 

"Uşaqlar narahat olandan sonra aparıblar Qaxa, Günay adlı həkim nəsə edib, 3-4 saat sonra "hər şey əladı” deyərək evə göndərib. Amma uşaqlar yenə özlərini pis hiss ediblər, həkimə zəng edəndə deyiblər ki, olan şeydi, uşaqları gətirin qlizma edib, mədəsini yuyaq aparın.  Göbələkdən uşaq zəhərlənsin, sən göndər evə səhərə qədər yatsın, iş işdən keçsin. Görəndə ki, uşağın vəziyyəti daha da ağırdı Bakıya gətiriblər.  Amma zəhər qana keçmişdi artıq, deyiblər ki, gec gətirmisiniz, bütün bədənə yayılıb.  Həkim indiyə qədər saxlayıb, ilkin tədbir görüb Bakıya göndərməli idi. İndi bu həkim vicdan əzabı çəkmir? 2 körpəni, analarını, bacıları, qohumlarını gözü yaşlı qoydu”, - deyə B. Nurlu əlavə edib.

"Yenə də deyirəm, o uşaqlar vaxtında çatsaydı, onda nəsə olsaydı, susardım. Amma deyirlər ki, 2 günə zəhər qana keçib. Həkim çıxıb xəbərlərdə deyir ki, ilkin müayinə göstərib Bakıya göndərdik. De ki, 2 gün sonra! İndi qorxusundan zəngləri açmır. İndi özümdə deyiləm, amma bu məsələni belə qoymayacam”.

Xatırladaq ki, Qaxda 9 yaşlı İbrahimxəlil Qasımzadə və onun əmisi oğlu 12 yaşlı Murad Qasımlı göbələkdən zəhərlənərək vəfat edib. İbrahimxəlil Qasımzadə ektrasens Bayram Nurlunun bacısı oğlu olub.