Bayrağın tərs asılmasına görə məsuliyyəti kim daşıyır? – HÜQUQŞÜNAS RƏYİ

Bayrağın tərs asılmasına görə məsuliyyəti kim daşıyır? – HÜQUQŞÜNAS RƏYİ
 

"Bayrağın tərsinə asılması ilə bağlı hər hansı məsuliyyət nəzərdə tutulmayıb”.


Sfera.az-a açıqlamasında bu sözləri rəsmilərin iştirak etdiyi bir sıra yerli və xarici tədbirlərdə Azərbaycan bayrağının düzgün yerləşdirilməməsi hallarına görə qanunvericilikdə hansısa bir məsuliyyət, cəzanın nəzərdə tutulub-tutulmadığına aydınlıq gətirərkən "Konstitusiya Araşdırmalar Fondu”nun rəhbəri Əliməmməd Nuriyev deyib.


Həmsöhbətimizin dediyinə görə, bu kimi məsələlərə protokol şöbələrinin diqqətli yanaşma sərgiləmələri tələb olunur: "Bayrağın düzgün yerləşdirilməməsilə bağlı bu kimi hallara müxtəlif ölkələrdə rast gəlmək mümkündür. Azərbaycanda da bir sıra hallarda buna bənzər hadisələr baş verib. Düşünürəm ki, belə halların hər hansı bir tədbirdə iştirak edən nazirlərin birbaşa diqqət mərkəzində olması məsələsibir qədər mübahisəlidir. Çünki bu kimi məsələləri protokol şöbəsi həll edir. Ona görə də tədbirlərdə asılan və yaxud qoyulan bayraqlarla bağlı yaşanan əyri-əksikliklərin düzəldilməsi məsələsinə protokol şöbəsinin daha diqqətli yanaşması lazımdır. Bayraqla bağlı yaşanan bu vəziyyətə görə nazirlərin hər hansı bir məsuliyyətə cəlb edilməsi kimi hallar yoxdur. Ümumiyyətlə, bununla bağlı hər hansı məsuliyyət nəzərdə tutulmayıb”.


Ə. Nuriyev qeyd etdi ki, belə hallar baş verdikdə tədbirdə iştirak edən və bayrağı səhv yerləşdirilən ölkənin rəhbər nümayəndəsi protokol şöbəsinə iradını bildirməlidir:"Burada yalnız və yalnız nazir tərəfindən protokol şöbəsinin rəhbərliyinə irad tutula bilər ki, belə halların qarşısı alınsın. Özümüz bu məsələyə nə qədər həssas yanaşsaq, kənar dövlətlərin vətəndaşları da ona həssas yanaşacaqlar. Sadəcə düşünürəm ki, bu halda müəyyən diqqətsizlik baş verib”.


Fond rəhbəri çıxış yollarından biri kimi dövlət qurumları əməkdaşları arasında treninqlərin keçirilməsini təklif etdi: " Fikrimcə, gələcəkdə belə halların təkrarlanmaması üçün müəyyən treninqlərin keçirilməsi vacibdir. Atributların yerləşdirilməsi qaydası ilə bağlı dövlət qurumlarında bu məsələyə məsul olan şəxslər üçün treninq keçirilməsinə ehtiyac vardır. Böyük məmuniyyətlə təşkilatımız belə treninqləri dövlət qurumlarının müvafiq şöbələri üçün keçirə bilər”.

 

Qeyd edək ki, Azərbaycan iqtisadiyyat naziri Şahin Mustafayevlə Rusiyanın sənaye və ticarət naziri Denis Manturov arasında Yekaterinburqda keçirilən INNOPROM-2019 beynəlxalq sənaye sərgisi çərçivəsində keçirilən görüşdə Azərbaycan bayrağı nazirin gözü qarşısında növbəti dəfə düzgün yerləşdirilməyib, yaşıl rəng yuxarıda olub. Bayrağımıza göstərilən bu diqqətsizlik dərhal sosial şəbəkələrdə tənqid edilib.

 

 

Elçin

OXŞAR XƏBƏRLƏR

Düşmənin canlı qüvvəsi belə məhv edildi - VİDEO

Azərbaycan-Ermənistan dövlət sərhədinin Tovuz istiqamətində iyulun 13-nə keçən gecə ərzində də gərginlik davam edib. Müdafiə Nazirliyindən  verilən məluma...

Ağcaqanadlar koronavirus yayırmı? – HƏKİMLƏR DANIŞDI

"Ağcaqanadın koronavirusu yayması barədə gəzən söz-söhbətlər qeyri-ciddidir”. Bu sözləri Sfera.az-a açıqlamasında ağcaqanadların koronavirusu yaya bilmə...

Türkiyənin Azərbaycandakı səfiri: Mənsimovla vaxtaşırı görüşürük

"Mais Mənsimov hazırda Türkiyənin fəxri konsulu vəzifəsinin icrasını davam etdirir”. Bu sözləri Sfera.az-a açıqlamasında Türkiyənin ölkəmizdəki fövqəlad...

ABŞ Heritage Fondu: Azərbaycandan Türkmən qazı Avropaya nəql edilməlidir

ABŞ-ın ən tanınmış düşüncə mərkəzlərindən olan Heritage Fondu (Heritage Foundation) G7 (Böyük Yeddilər) Sammiti öncəsi ABŞ Prezidenti Donald Trampın dünya...

“Guardian” Eldar Mahmudovun və övladlarının 100 milyon funt sterlinqindən yazdı - TƏFƏRRÜAT

Sabiq milli təhlükəsizlik naziri Eldar Mahmudovla bağlı şokedici məxfi məlumatlar yayılıb. Sfera.az-ın məlumatına görə, nüfuzlu "Guardian” qəzeti Eldar ...

Məğlub tərəf olmaqdan bezginliyin hayqırtısı...

Vurmalıydıq, vurmamalıydıq? İndi ölkə gündəmini müəyyənləşdirən sosial şəbəkələrdə müzakirələr bu sual ətrafında aparılır. Xalq olaraq sanki iki böyük hissəyə...