Baydendən növbəti ermənipərəst addım - Azərbaycan necə reaksiya verəcək?
12:06 / 27.04.2021
2917
Xəbər verdiyimiz kimi Amanta Pauer ABŞ Beynəlxalq İnkişaf Agentliyinə (USAID) rəhbər gətirilib.
Ermənipərəst mövqeyi ilə diqqət çəkən siyasətçinin bu vəzifəyə gətirilməsi Azərbaycan üçün nə vəd edir?
Məsələ ətrafında Sfera.az-a danışan politoloq Zaur Məmmədov Baydenin hakimiyyətə gəlməsindən sonra erməni lobbisinin daha da aktivləşdiyini bildirib:
"Samanta Pauer nəinki ermənipərəstdir, bəzi hallarda ermənilərdən çox onların maraqlarına xidmət edən şəxsdir. Biz onun siyasətçi kimi ABŞ maraqlarından çox Ermənistanın maraqlarına xidmət etdiyinin də şahidiyiq. Ümumiyyətlə, Baydenin hakimiyyətə gəlməsi ilə ABŞ-da erməni lobbisi ilə sıx əməkdaşlıq edən şəxslərin hakim mövqeləri tutduğunun şahidi olduq. 30 il ərzində Con Kerri, Samanta Pauer elə Baydenin özü də erməni məsələsi altında nəinki Türkiyəyə eyni zamanda Azərbaycana da təsir göstəriblər. Vaxtı ilə 907-ci maddənin düzəlişindən tutmuş, Dağlıq Qarabağdakı separatçılara yardımlara qədər olan məsələlər məhz bu şəxslərin aktiv fəaliyyəti nəticəsində həyata keçirilib".
Ekspert S.Pauerin müsbət gələcək vəd etmədiyini və nümayişkarənə ermənipərəstliyinin olduğunu qeyd edib:
"İndiki məqamda bizim üçün əsas məsələ ABŞ adminstrasiyasının antitürk, antiazərbaycan siyasətinin qarşısını almaq olmalıdır. Samanta Pauer 2006-cı ildə qondarma erməni "soyqırım”ı ilə bağlı sənədli filmində rol alıb, Tvitter səhifəsində aktiv olaraq təbliğat aparır. Uzağa getmədən onu deyə bilərik ki, Pauer doğum tarixini belə 24 aprel olaraq qeyd edib. Bu qədər fanatik dərəcədə erməni maraqlarına xidmət edən şəxsin rəhbərliyə gətirilməsi bizim üçün diqqətdə saxlanılmalı məsələdir".
Əzizə Zeynal
Sfera.az