Bank “BTB” maliyyə nəticələrini açıqladı

Bank “BTB” maliyyə nəticələrini açıqladı

Müştərilərə verilən kreditləri kəskin artıran Bank "BTB” 2019-cu ilin 9 ayını 4 milyon manata yaxın xalis mənfəət ilə bağlayıb.

Bank "BTB” ASC maliyyə göstəricilərində müşahidə olunan müsbət dəyişiklikləri qeyd edərək, 3-cü rüb üçün maliyyə göstəricilərini açıqlayıb.

Bank 2019-cu ilin 9 ayını (yanvar-sentyabr) 4 milyon manata yaxın xalis mənfəət ilə başa vurub. Belə ki, ötən ilin eyni dövrü ilə müqayisədə Bankın xalis mənfəəti 1 milyon 817 min manat və ya 83 % artıb. Nəticədə Bank "BTB” 2019-cu ilin 9 ayını 3 milyon 999 min manat xalis mənfəətlə başa vurub.

Bank BTB-nin faiz gəlirləri keçən ilin müvafiq dövrü ilə müqayisədə 2 milyon 121 min manat artaraq 16 milyon 25 min manat, qeyri-faiz gəlirləri isə 4 milyon 608 min manat təşkil edib.

2019-cu ilin 9 ayının nəticələrinə əsasən Bank "BTB” ASC-nin aktivləri 311 milyon 957 min manat təşkil edib ki, bu da ötən ilin müvafiq dövrü ilə müqayisədə 3.03 %-ə yaxın artım deməkdir.

Qeyd edək ki, dövr ərzində əmanətlərdə 3% artım qeydə alınıb və nəticə etibarilə əmanət portfeli 119 milyon 549 min manatadək yüksəlib.

2019-cu ilin növbəti rübü üçün digər müsbət göstərici bank müştərilərinin sayının 24% artmasıdır.

 

Bankın məlumatında bildirilir ki, daim müştərilərinə sərfəli şərtlərlə kreditləşmə imkanı təqdim edən Bank "BTB", yanvar-sentyabr 2019-cu il tarixləri arasında müştərilərinə kredit verməkdə davam etmiş və nəticə etibarilə dövr ərzində kredit portfelini 23% artıraraq ümumi kredit portfelini 217 milyon 675 min AZN-dək yüksəltmişdir.

"Yeni inkişaf strategiyasına əsasən Bank BTB müştərilərə rəqabət qabiliyyətli məhsullar təklif etməklə istehlak, mikro və KOS sahəsində payını daha da artıraraq, bazarda öz mövqeyini gücləndirmək üzərində çalışır".

Bank BTB korporativ bankçılıq sahəsində də fəaliyyət dairəsini genişləndirməkdə davam edir. Belə ki, bank fiziki şəxslərlə yanaşı, korporativ müştərilərinə təqdim etdiyi xidmət və məhsulların çeşidi genişləndirərək, bir çox əməliyyatların dövriyyəsinin artmasına da müsbət təsir göstərmişdir. Statistikaya əsasən, son 9 ay ərzində Bank BTB-nin bütün növ ödəniş kartları üzrə ümumi dövriyyəsi 98 milyon AZN (keçən ilin eyni dövri ilə müqayisədə 59,4 % artım) həcmini ötüb.

Qeyd olunan görstəricilərlə yanaşı Bankın açıqladığı maliyyə hesabatına əsasən ani likvidlik əmsalı 3-cü rüb ərzində 7% artaraq 53%-ə çatmışdır.

Bankın ən əsas "aktivləri", yəni Bank BTB-nin işçilərinin sayı ilin əvvəlindən 8% artmışdır. Bu, bankın yeni strateji inkişaf planına uyğun olaraq komandanın böyüməsinin göstəricisdir.

OXŞAR XƏBƏRLƏR

Sabahın rəsmi məzənnəsi

  Azərbaycan Respublikası Mərkəzi Bankı Manatın məzənnəsinə dair məlumat yayıb. Məlumatda bildirilir ki, 03.07.2020-ci il tarixindən etibarən Mərkəzi Ban...

Unibank əməkdaşları arasında onlayn intellektual yarışma keçirilib

  Sərt karantin rejimi günləri ilə əlaqədar əksəriyyəti distant rejimində çalışan Unibank əməkdaşları arasında "Fibonacci - onlayn” intellektual yarışması...

Azərbaycan nefti bahalaşır

  CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti iyulun 1-də 43,75 dollar/barel təşkil edib ki, bu da əvvəlki...

Azərbaycan geoiqtisadi təşəbbüsə yiyələnə bilər - Rusiyalı ekspert

  Aleksandr Karavayev Rusiya Elmlər Akademiyası İqtisadiyyat İnstitutunun elmi işçisi   Nəqliyyat və sənaye sahələrində yeritdiyi siyasətə əsaslan...

Günün rəsmi məzənnəsi

  Azərbaycan Mərkəzi Bankı (AMB) bu günə olan rəsmi valyuta məzənnələrini açıqlayıb. 2020-ci ilin iyulun 2-də ABŞ dollarının məzənnəsi dəyişməyərək 1,700...

Xəzər Siyasət Mərkəzi COVID-19-un iqtisadi nəticələrinə dair virtual görüş təşkil edib - VİDEO

Bu gün Xəzər Siyasət Mərkəzi (XSM) Xəzər regionunda mövcud COVID-19 pandemiyasını və onun regional hökumətlərin iqtisadi siyasətlərinə ola biləcək potensial təs...