No Image
No Image

Bakıda yeni avtobus zolaqları təşkil edildi

Bakıda yeni avtobus zolaqları təşkil edildi
Bakı şəhərinin Qara Qarayev prospekti-Məhəmməd Hadi küçəsi-Gəncə prospektlərindən 43 marşrut xətti üzrə 700-dən artıq avtobus qismən və ya tam olaraq hərəkət edir. Gündəlik olaraq bu avtobuslarla 570 min nəfərdən artıq sərnişin daşınır.

Bu barədə Sfera.az-a Bakı Nəqliyyat Agentliyindən bildirilib.

Məlumatda həmçinin bildirilir ki, mövcud nəqliyyat şəraiti, sıxlıq və tıxaclar hər gün ictimai nəqliyyatdan istifadə edən yarım milyondan artıq sərnişin lüzumsuz vaxt itkisinə məruz qalmasına səbəb olur. İndiki halda avtobuslar bu dəhlizi iki dəfə artıq vaxt sərf etməklə keçirlər. Pik saatlarda bu müddət daha da artır.

Sərnişinlərin rahatlığını təmin etmək, səyahət müddətini azalatmaqla onlara əlavə vaxt qazandırmaq məqsədilə dəhliz boyunca hər iki istiqamətdə avtobuslar üçün xüsusi zolaqlar təşkil edilib.

Zolaqların təşkili sayəsində avtobusların orta hərəkət sürəti artacaq, sərnişinlərin səyahət müddəti isə azalacaq. Avtobusların zolaq üzrə maneəsiz hərəkəti intervalın daha düzgün tənzimlənməsinə imkan verəcək. Bu da sərnişinlərin dayanacaqlarda toplu halında uzun müddətdə avtobus gözləməsi kimi hallar əhəmiyyətli dərəcədə azaldacaq.

Müntəzəm və ekspres xətlər üzrə avtobusların sərbəst hərəkətini təmin etmək mövcud pandemiya şəraitində xüsusi ilə əhəmiyyətlidir.

Qara Qarayev prospekti üzrə təşkil olunmuş avtobus zolaqlarında digər nəqliyyat vasitələrinin hərəkəti günün bütün saatları üzrə qadağan ediləcək. Məhəmməd Hadi küçəsi və Gəncə prospektində isə avtobus zolaqları yalnız pik saatlarda, yəni səhər saat 08:00-dan 10:00-a kimi, axşam saatlarında isə 17:00-dan 20:00-a kimi qüvvədə olacaq. Bu barədə yol nişanlarının altında qüvvədə olma saatlarını bildirən lövhələr də yerləşdirilməkdədir.

Avtobus zolaqları çəkilərkən mövcud "cib” tipli parklanma yerləri və taksi duracaq məntəqələri saxlanılıb, taksi minik avtomobillərinin və digər nəqliyyat vasitələrinin həmin taksi duracaq məntəqələrinə və parklanma yerlərinə daxil ola bilməsi üçün müvafiq nişanlanma xətləri vasitəsilə şərait yaradılıb. Həmçinin, həmin "cib” tipli parklanma yerləri müvafiq yol nişanları və nişanlanma xətləri ilə də təchiz edilib.

Sürücülərdən xahiş edirik ki, zolaqlarla bağlı yol nişanın tələbinə əməl etsinlər. Zolağın tələbinə əməl edib avtobusların sərbəst hərəkətinə imkan yaradacağınıza ümid edir və buna görə əvvəlcədən təşəkkürümüzü bildiririk.
Turan Bank

OXŞAR XƏBƏRLƏR

İcra başçısının müavini vəzifəsindən azad edildi

Yevlax şəhər İcra Hakimiyyəti Başçısının birinci müavini Qənimət Qaraşov vəzifəsindən azad edilib. Sfera.az xəbər verir ki, vəzifədən azad edilən məmurun ...

Məhkumlar vaksin olunacaq yüksək riskli əhali qruplarına daxil edildi

COVID-19 xəstəliyinə qarşı vaksinasiya olunacaq əhali qrupları açıqlanıb. Sfera.az-ın məlumatına görə, bu, Nazirlər Kabinetinin sərəncamı ilə təsdiqlənən ...

TRT-nin filmi: Moskva bilir ki, Bakı sonadək gedəcək – VİDEO

TRT Vorld II Qarabağ Müharibəsi haqqında sənədli film (ingiliscə) hazırlayıb. Sfera.az xəbər verir ki, sənədli filmdə rəsmilər, II Qarabağ müharibəsinin ş...

Azərbaycanda vaksinasiya 2 il ərzində icra olunacaq

COVID-19 xəstəliyi əleyhinə vaksinasiya məntəqələri dövlət ambulator-poliklinik müəssisələrin nəzdində yaradılacaq. Sfera.az-nın məlumatına görə, bu, Nazi...

Vüqar Səfərlidən 26 MİLYON MANAT tələb olunur! – O, həbsindən az əvvəl “mənlik nə var ki” deyirmiş...

Prezident yanında Kütləvi İnformasiya Vasitələrinin İnkişafına Dövlət Dəstəyi Fondu (KİVDF) təsis olunduğu gündən mediada yeni ziddiyətlərin əsası qoyuldu. Medi...

Hirkan Milli Parkında yanğın lokallaşdırıldı

Hirkan Milli Parkının Astara rayonu ərazisində - yüksək dağlıq sahəsində baş vermiş yanğın lokallaşdırılıb.  Sfera.az xəbər verir ki, bu barədə Ekolo...