Bakıda qorxulu anlar
21:03 / 12.07.2016
813
Bakı şəhərində intihara cəhd edilib
Şahidlərin verdiyi məlumata görə, hadisə Sabunçu-Zabrat yolunda baş verib.
35-40 yaşlarında naməlum kişi əlində bıçaqla yola çıxaraq intihara cəhd edib. Hadisə yerinə polis əməkdaşları gəlib.
Sabunçu rayon Polis İdarəsinin 12-ci polis bölməsindən bildirilib ki, polis əməkdaşları intihar etmək istəyən şəxsi fikrindən daşındıra biliblər.
Həmin şəxs polis bölməsinə dəvət olunub. Araşdırmalar zamanı onun Füzuli rayon sakini, 1976-cı il təvəllüdlü Nadir Polad oğlu Məmmədov olduğu müəyyən edilib.
Hazırda onun ifadəsi alınır.
