Bakıda keçmiş icra başçısının evinə basqın: Qadına hücum edildi, qızılları aparıldı - MƏHKƏMƏ İŞİ - FOTO

Bakıda keçmiş icra başçısının evinə basqın: Qadına hücum edildi, qızılları aparıldı - MƏHKƏMƏ İŞİ - FOTO
Bakıda qabaqcadan əlbir olan bir qrup şəxsin törətdiyi quldurluq əməli ilə bağlı yeni təfərrüat bəlli olub.

Sfera.az  oxu.az-a istinadən xəbər verir ki, Firudin İsmayılov, Kənan Müzəffərli, Kamran Abdulov və Dilbər Hacıyevanın cinayətinin hədəfi keçmiş icra başçısı olub.

Onlar Naxçıvan Şəhər İcra Hakimiyyətinin keçmiş başçısı Vüqar Səfərovun Bakıda yerləşən mənzilinə daxil olaraq quldurluq aktını həyata keçiriblər.

Bunun üçün əvvəlcədən Vüqar Səfərovun yaşadığı evlə bağlı "kəşfiyyat” aparılıb və cinayət planı qurulub.

Firudin İsmayılov ifadəsində göstərib:

"Vüqar Səfərov əvvəllər icra başçısı işlədiyindən onun mənzilində çoxlu nağd pul olduğunu fikirləşdik. Təxminən üç ay ərzində həmin əraziyə baxış keçirərək mənzilə basqın etməyi planlaşdırdıq”.

Cinayətkarlar iz itirmək üçün özlərində olan avtomobilin "PZ” seriya hərflərinin "RZ” kimi oxunması üçün həmin seriya hərfinin üzərinə qara rəngli yapışqanlı lent yapışdırıblar.

Dörd nəfər şübhə çəkməmək üçün aralarında belə razılığa gəlir ki, Dilbər bədən və sifətini gizlətmək məqsədilə müsəlman qadınların hicab geyimini əldə edib geyinsin.

Quldurluğa gedərkən Dilbərə hicab alınır və o, bu geyimi geyinir. Dilbər keçmiş icra başçısının mənzilinin qapısını döyərək yalandan Ramazan ayı ilə əlaqədar "Qurban payı” gətirdiyini bildirir.

Qapı açıldıqda isə Firudin İsmayılov və Kamran Abdulov evdəki qadına yumruqla vurublar, onu azyaşlı qızına nəsə edəcəkləri ilə hədələyiblər.

İstintaq materiallarından aydın olur ki, həmin vaxt Vüqar Səfərov evdə yox, Naxçıvanda imiş.

Quldurluq edənlər dəyəri min manat təşkil edən gümüş sırğanı, gümüş üzüyü, gümüş qolbağını və 1 cüt qızıl sırğanı ələ keçirib mənzildən çıxırlar.

Onları avtomobillə həyətdə gözləyən Kənan Müzəffərlinin köməkliyi ilə hadisə yerindən uzaqlaşıblar.

Məhkəmə ifadələrinə əsasən qeyd etmək olar ki, quldurluq edənlər pul məsələsində yanılıblar, belə ki, onlar Vüqar Səfərovun mənzilində 50 000 manat olduğunu düşünsələr də, həmin məbləği tapa bilməyiblər.

Məhkəmənin hökmü ilə qrup üzvləri Cinayət Məcəlləsinin Quldurluq maddəsinin bir neçə bəndi ilə təqsirli bilinərək hərəsi doqquz il müddətinə azadlıqdan məhrum edilib.

Bildirək ki, məlum hadisə 2021-ci il aprelin 26-da baş verib.

Qeyd edək ki, Vüqar Səfərov 2001-2018-ci illərdə Naxçıvan Şəhər İcra Hakimiyyətinin başçısı vəzifəsində çalışıb.
Sehliyali
Turan Bank

OXŞAR XƏBƏRLƏR

Azərbaycanlı avtoritet GÜLLƏLƏNDİ - FOTO

Ukraynanın Odessa şəhərində 65 yaşlı kriminal avtoritet güllələnib. Sfera.az lent.az-a istinadən xəbər verir ki, o, Azərbaycan əsilli Nazir Əliyevdir. Qət...

Şöbədə öldürülən Xanım qətldən əvvəl nə demişdi? - Polkovnik-leytenantın ifadəsi

Ötən ilin sentyabrın 30-da serjant İsmayıl Məmmədovun şöbədə ondan şikayətçi olan arvadını güllələyib öldürməsi ilə əlaqədar cəzalandırılan şəxslərdən biri- xid...

"Lotu Quli"yə görə Lənkəranskinin 12 adamına cinayət işi açılıb - İstintaq başa çatdı

20 avqust 2020-ci ildə Türkiyədə qətlə yetirilən "Lotu Quli" ləqəbi ilə tanınan "qanuni oğru" Nadir Səlifovun "Rövşən Lənkəranski” ləqəbi ilə tanınan Rövşən Can...

Azərbaycanda evdən qaçan gəlin görün haradan tapıldı - FOTO

Şəmkirdə itkin düşən qadın tapılıb. Daxili İşlər Nazirliyinin Mətbuat Xidmətinin Gəncə regional qrupundan Sfera.az-a verilən məlumata görə, Şəmkir rayon P...

Nüfuzlu avtoritetlərdən ÇAĞIRIŞ:"Son qoyun!" - FOTO

Rusiya həbsxanalarında kriminal avtoritet və "qanuni oğru”ların çağırış məktubu yayılmağa başlayıb. Sfera.az-ın Rusiyanın teleqram kanallarından birinə is...

Mahir Şükürovun qardaşı HƏBS EDİLDİ

Məşhur futbolçu Mahir Şükürovun ögey qardaşı Ümüd Şükürovun dələduzluq etdiyi iddia olunur. Sfera.az xəbər verir ki, bu barədə zərərçəkmiş özü Lent.az-a m...