Hazırda paytaxtda 4 yol bağlıdır.

NİİM-dən Milli.Az-a verilən məlumata görə, Niyazi küçəsində təmir işlərinin aparılması

 ilə əlaqədar hər iki istiqamətdə nəqliyyat vasitələrinin hərəkəti məhdudlaşdırılıb.

Eləcə də Heydər Əliyev prospektindən metronun "Koroğlu" stansiyası istiqamətində

 Keşlə qəsəbəsindən keçən yol Davud Aslan küçəsi ilə kəsişmədə bağlanıb.

Bundan əlavə, İstiqlaliyyət küçəsində asfalt örtüyünün yenilənməsi ilə əlaqədar yolun

 iki zolağı bağlıdır. Qeyd edək ki, bu yolun hələ 2 gün əvvəl açılacağını bildirmişdilər.

Qeyd edək ki, Ceyhun Səlimov küçəsi də ərazidə yeni metro stansiyasının tikintisi ilə 

əlaqədar Hərbi hospitalın qarşısından 3-cü mkr dairəsi istiqamətində uzun müddətlik bağlıdır.